كيف اتعامل

بنات على طاري موضوع رنوش مفيد

تقول لا تعلمو احد كل ذو نعمه محسود
وفي عينات تسحب كلام طيب انا
من النوع اللي ماحب اعلم بشي
ودايم اظهر للناس اني ماطبخ ولا اسوي ولا من الكلام هذا
حتى اذا سالوني اقولهم عالجوال
لكن الاحظ ام زوجي تعلم السلايف هي كذا سوت كذا راحت انا ماعلمها لكن تراقبنا عن طريق زوجي
وهي برضوا تعلمنا باخبارهم الشينه والزينه
وكل زياره ابين لها قفلي الموضوع مايهمني
زي ما احب احد يسمع اخباري انا برضو
وتعيد وتزيد تعاند لدرجه تشيل جوالها وتورينا الصور للاطفال
ولا اخذ الجوال واشوف طبعا بتقولون ليه
لانهم موسوسين بالعين يوم حملت مرت ولدها الصغير علمت كل الناس الا انا عشان ما انجبت
فحزت بخاطري وصرت اطنشهم
احيانا تقعد تسولف عن سلفتي قدام زوجي
هي كذا وسوت كذا طيب هو وش دخله ؟
وانا اذا جلست لوحدي معها ماقد جابت طاريها حتى ماتعلمني بالاخبار تسكت
احسها استفزازيه
كيف اتعامل ؟