كيف اتعامل معاهم 😪

مساكم الله بالخير
بدخل بالموضوع دايركت مالي بالمقدمات

انا متزوجة من مدة طويلة ما انجبت لأسباب طبية صعب جدااا الحمل الطبيعي بوجودها وهالاسباب مني ومن زوجي مأخرة حملي بعد امر الله وسعيت ومالله كتب للان



اللي تزوجو بعدي جابو ثلاثة واربعة الله يبارك لهم رزقهم ويرزقني خيرا من رزقهم يارب



السالفة انو في ثنتين من قريباتي مره متسلطات علي بشكل وهم اقاربي بدرجة الاولى يعني مره قراب مني المهم هالثنتين شغلهم الشاغل تنكيد علي فقط لا غير كل جمعة اسبوعية اعاني منهم وارجع متنكدة ومنفسه على زوجي واوقات توصل للبكاء بسبب ان اول مايشوفون وجهي تبدأ الاسئلة عالجتي كشفتي من مين تأخر الحمل انا سمعت فلانة تقول عنك ان تأخر الحمل من زوجك والا شوفي هالمراخة مرخت فلانة وعلانة وحملت واخذي هالعشبة تزيد خصوبة والا روحي للدكتورة الفلانية وانا اوقات اسكت على كلامهم واوقات اضطر ارد عشان يوقفون عند حدهم متخيلين لدرجة لما اصلي او اصوم او اسوي اي عمل خير قالو لا تنسين تدعين بالذرية وقت فعلك لهالعمل يعني كأني ناسية هالهم وهم يذكروني ؟!! والله اغلب سوالفهم معي من سنين هذا محورها كلام تحطيم ان اللي ماحملت من اول سنة ماراح تحمل الا بصعوبة ووصلت فيهم يتكلمون بجمعات الحريم بهالموضوع وينصحون قدام الكل صغير او كبير لدرجة عيالهم صارو مثلهم يسألوني وين عيالك او يلمسون بطني فيه بيبي او ليش ما جاك بيبي طفل كيف يعرف هالكلام !! لا ويزعجوني اتصالات اذا ما اجتمعت معاهم مره بالجمعة الاسبوعية يسألون بالجوال متى دورتك وش سويتي ليه ما رحتي للدكتورة الفلانية يا ناس مدري متى يفهمون ذي ارززززاق وش اسوي يعني وانا ما اسمح لهم بتفاصيل علاجي لدرجة اتصلت علي وحده منهم من صباح الله تقول اطلعي لي انا عند باب بيتك بوديك تتعالجين عند فلانة !! والثانية تقولي شدي حيلك والله ضغط نفسي بشكل ما تتصورونه ويعترفون مانبي نمسك عيالك واذا شكو اني حامل تعمدو يخلوني اشيل اشياء ثقيلة او يزعلون علي لين اعترف اني ماني حامل عشان يرتاحون

يعني تصرفاتهم ماهي من محبة ابدا
واللي خلاني انفجر من تصرفاتهم انهم يتعمدون يضايقوني بموضوع الانجاب انا معاهم بقروب ومعانا بنات اقاربنا وقلبت رسايلهم صور اطفال ومقاطع اطفال وتعليقات عن ان الذرية نعمة وعزوة ويا فلانة احملي نبي نشوف بيبي جديد بالعايلة يوميا كذا رسايلهم من كملت سنة زواج عشان يغثوني !! ووصلت فيهم يتصلون على معارفنا ويزورنهم وويسألون كيف حملتي انحرجت صارو الحريم يخبون حملهم وحمل بناتهم ويخافون على عيالهم مني بسبب الفكرة اللي حطوها بعقولهم اني مشفوحة على الحمل
والله نفسي طقت منهم مجبورة على وصلهم لانهم رحمي القريب ما ابي ادخل النار بسببهم بس كيف اتعامل معاهم ؟