كيف اتعامل معاه

مرحبا بنات

اخباركم 00

اول شي ابشركم اني حملت بعد ثلاث سنوات من زواجي

اكيد اي وحده مثلي بتحس بفرحتي

زوجي كان وده مره بالعيال00 بس تعالجنا اثنينا وماكان يوضح لي كثير

تخيلوا عرفت اني حامل الخميس 00 يوم الجمعه ما احس فيه اي فرحه

ما اعرف السبب00 اشتهيت فواكة مجففه رحت شريتها تخيلوا هواشني هواش مو طبيعي

توقعت يدلعني مالت على حظي ابد

طيب رحت لبيت اهلي بالويك اند00 اقول له يوم الجمعه متى بتيجيني يقول بعد المباريات

قلت طيب يقول اشفيكي قلت له شايله هم العيال قال ليه000 قلت يقولون مايخلون الام تنام ولا ترتاح

وانا خلقه مو مرتاحه والسبب اني ساكنه مع امه والبيت 24 ساعه مليان

يرد علي اجر وعافية

وقسم بالله كان ودي يرفع معنوياتي بكلمه حلوه يقول لي معليه حبيبتي مجرد وقت او اصبري او من هالكلام اللي يبرد القلب

وربي شايله هم كثير لانه شخص بارد واناني وهمه بس نفسه

ورفضه للسكن برى انه مايقدر على الايجار00 والحين حضرته بياخذ قرض بمية الف وكل شهر يخسمون من راتبه 1800

لمدة خمس سنوات والقرض والله مو محتاجينه00 بس امه تبي تشتري شقه

يادوب راتبه يكفينا والباقي نشيله اذا سافرنا او احتجنا شي والحين بينخصم من راتبه يعني ماعندنا فائض وغير كثير بيجينا بيبي

واذا تكلمت او عصبت قال روحي لبيت اهلك

ياربي افرجها علي صدري ضايق