كيف اتعامل معاه ؟؟؟؟؟؟

ما اعرف اسوى مقدمه بس ابغا اتكلم على مشكلتي مع زوجي مدري طبعه غريب او هوا عنده انانيه المهم انتوا احكموا اول شي سافر مره مع اصحابه طبعا قلي قبل السفر بيومين انا اولها زعلت وبعدين سافر وقلت مافي مشكله خليه ينبسط بعدها بسنه واحنا بنحول بيت جديد قالي بسافر مع اقاربه يعنى شباب انا قلتله لا كيف بتسافر وحنا ننقل بيت جديد مين بيساعدنى في البيت قام زعل قالي والله ما حنام في البيت وسوا افلام هنديه المهم رضيت با وضع قلت خليه ينبسط هدا الكلام في رجب طبعا سافر وانا بين العمال المهم قبل امس قال بسافر يومين وبرجع عند اختى انا :mad: قلت وانا قالي تبغي تجي تعالي بس انا حكون مشغول مع اولاد اختي قلتله خلاص بسافر بس انتا ليه كل ماسافر احد من اولاد اختك لازم تسافر معاهم وانا اخر من يعلم قالي بسافر كلهم يومين الي قاهرني اولاد اخته شباب اي مكان بيسافروا لازم يطلع معاهم يتفق معاهم وبعدين يقولي هذا الي مزعلني منه المشكله دحين لما ناقشت معاه الموضوع السفر والله بكل هدوء ليه بتسافر ليه انا اخر وحده تقولها عن سفرك وقلتله خلاص بسافر وبس هدا الكلامالي قلتله دحين زعلان منى ولا يتكلم معاي مدري ايش سويت والله كلمته بكل هدوء والله والله مضايقه انا الي نفسي اسافر اغير جوا وربي طفشانه محبوووسه في البيت لي ثلاث سنوات ما سفرت وهوا بس يسافر دحين محتاره لوا سافرت معاه حجلس عند بيت اخته يومين وبيت اخته كلهم شباب واخته كبيره في سن يعني حبسه وراح يحسبها لي سفره او اجليس في بيتي احسن علشان لا يحسبها علي ؟ دحين هوا زعلان ما يبغا يتكلم معايه ولا بكلمه كيف اتصرف معاه ؟ امانه يا بنات انا محتاره ردوا على الله يحرم وجوهكم النار لا تبخلوا علي والله موا عارفه كيف اتصرف والمشكله بكره سفره الصباااح ,:44:,,, ردوا على او ارفعوا الموضوع معليش كلامي ملخبط والله موا عارفه اكتب حاجه بروح وبرجع واشوف ردودكم يا احلا اخوات