كيف اتعامل معاه؟ :(

السلام عليكم
حبيباتي آحتاجكم تفيدوني في وضعي
متزوجة من سنتين زوجي كان بداية الزواج كويس معايا يراضيني لو حصل زعل يهتم فيا لكن بعد الزواج بكم شهر اتغير صار ناشف معايا ما يسال ولا يهتم فيا لو حصلت مشكلة انا اللي اروح اراضيه لاني ما احب جو الزعل والنكد كمان لاني بعيدة عن اهلي في مدينة تانية وماعندي صحبات في المدينة اللي نقلتها ف لو ما اتكلمت معاه احس بالوحدة .. المهم انو اتعود يزعلني ويغلط عليا وعادي يجلس اسبوع او اكتر بدون ما يسال عني ومقصر معايا بالكلام الحلو اللي كل وحدة فينا تحب تسمعو من زوجها، لما اسالو ليش انت كده معايا؟ يقول مع المشاكل ما اقدر ارجع زي اول خلاص! اسالو تحبني او لا مرات يقول ايوه بس من تعاملو معايا وافعالو يبان العكس ومرات يقولي ما احبك انا ضايعة مادري ليش يعاملني كده رغم اني مو مقصرة معاه دايما احب يكون مرتاح واحب اهديه هدايا و افرحو وعلاقتي احاول دايما تكون طيبة مع اهلو ومشاءالله قايمة بالبيت الحمدلله رغم كده مو عاجبو شي ومخلف مني طفل مشاءالله لكن ما يتعدل يعصبني ويحب يستفزني ولما اغلط فيه يقلب الدنيا عليا مادري ليش من ولا شي يسوي مشكلة الله يهديه
زوج يحب النكد والزعل ومن اي شي يزعل ولا يحب يتفاهم بهدوء ايش اسوي معاه ولا يهتم فيا، بنات كيف اتعامل مع زوج زي كده؟
ادعولي الله يهديه جزاكم الله خير 🌹