كيف اتعامل معها

مساء الخير..
اخباركم ياحلوات!! وكيفكم مع البرد..
انا متزوجه ولله الحمد من سنتين ونص ومعي ولد اربع شهور..طبعا زواجنا وزواج اخو زوجي كان مع بعض وزوجة اخوه و"بنفس الوقت بنت خالي" راااافعه ضغطي طبعا هي اصغر مني باأربع سنوات عمرها الحين 20 سنه ودايم سالفته سويت ليله رومنسيه وانهبل وسويت الحركه هاذي وقت .......وانهبببل جربي سويها وهاذي سوالفه متى اخر مره سويت سهرة!! كم مرة تسوون....!!
رجلك كم يعطيك مصروف!!
طبعا انا اول كنت اقول له ع حسب مافيه شي بوقت معين ,,بعدين صرت اسفهه.. وصارت تقربت مني أكثر وتقول لي كل شي عشان اقوله,,وجلست تسب باأهل ازواجنا تقوول انهم يتدخلون ودهم يعرفون كل شي بس خليك مثلي انا امثل قدامهم اني اذا جيت من الكليه اسوي غدا واحيانا اقولهم بروح بسوي عشاي وانا ماأسوي عشاء إلا إذا كان عندي فطور الكليه من بكرا والباقي كله من برا.. قلت اصلا مايهم ولا اهتموا لاأحد قلت هين الا والله يهتمون وتعجبهم اللي تطبخ يحسون انك مدلعته..
طبعا معه بنت سنه وخمس شهور,, المهم من بعد ماجبت ولدي وهي اعوذ بالله كأني ضرته إذا جت تسولف معي تنافخ علي وإذا تكلمت مع خالتي او بناته ياتقطع سالفتي ياتقول هذا شي قديم..طبعا قلت من الأخير هاذي ماينعرف لها ليش اتعب نفسي اكون معه رسميه افضل وصارت علاقتي معه سطحيه وطبعا كلنا ندرس بكليه وحدة انا رابع وهي ثاني طبعا دخلت معنا بنفس الشله وانصدم فيها كذا مرة اذا شافتن من بعيد تسكتهم قلت بسلامته.. طبعا هي رجله نقيب وصديقاتي كلهم متزوجات وازواجهن وضايفهم عاديه وأسئلته وحدة ماتغيرها عن الجنس والفلوس كم يعطيك لازم هالسؤال!! وتقول لهم انا رجلي يعطين اذا رحت لاهلي 1500 بيدي و2000 بالصراف بس والله ياأهله ماأخليه يعطيهم ريال واحد وفعلا والله مايدخل لبيت اهله ولا حتى الخبز.. وتسبنوتقول لهم ان رجلي مايجيب لبيتي شي كل شي اخذه من اهله لان وحدة من صديقاتي جتن مرة تقول لي ليش ماعندك خصوصيه لبيتك كل شي عند اهل رجلك يوم قلت له اني اصلا ماأروح لأهله الا مرة باليوم اتقهوى وارجع قالت غريبه انه تقول دايم وانتي عندهم
طبعل هوساكن بجنبهم وانا بملحق كامل بالجهه الثانيه وكل شي ع زوجي مع العلم ان زوجي هو الص وزوجه اكبر من زوجي.. والحمدالله علاقتي مع اهله تمام وحلوة..
انا حابه تعطوني رايكم كيف اتعامل معه!!