كيف اتعامل مع اختي

السلام عليكم ورحمه الله
يابنات انا تعبانه من اختي ماادري وش الي فيها هل حساسيه او حسد او غضب او ماادري ايش هي مره طيوبه وحبوبه وعسل واختي ومن دمي ولحمي ولكن تزعل اذا تشوف الخير لي او لغيري او يمكن انا ابالغ
يعني من 4 شهور خلص بيتنا الجديد لما قلت لها احسها زعلت مافرحت وقالت لي مالت علي حظي ساكنه ايجار لا وبعد اثاثي مكسر قلت لها ان شاء الله ربي بيعوضك اكيد قالت لا ماتوقع حظي نحس
وهي متزوجه من 8 سنين وانا دوبني لي سنتين وهي عندها 3 بنات لما حملت وكان جنيني ولد وبشرتها قامت تبكي وتقول والله نفسي بالولد بس ربي ماكتب وهديتها وقلت لها الي تجيب البنت تجيب ولد وتعبت مره بنهايه حملي وولادتي كانت قيصريه مع انه الدكتورة قالت كل شي سليم
اخر مره من أسبوعين صبغت شعري وكان مره روعه اللون وبرضو تحلطمت قالت انا عمري ماصبغت وطلع حلو كله الوان بايخه ومن يومها شعري يتساقط وخفت حتي رجعت للكوافير وسوو لي علاج بالحنه وخف شعري وطارت الصبغه الي كانت عاجبتني
ومو بس هالشي معاي حتي اختي الثانيه لاحظت ومن يومها ماتعلمها شي واختي صارت تزعل لدرجه انها قاطعتها وتقول لي فلانه ماتعلم شي تسافر من وراي وتحمل مااعرف الا اذا قربت تولد
والحين انا محتاره وش اسوي معاها انا ودي لها الخير بس اسلوبها لما نبلغها باي خبر حلو مستحيل تفرح دايم تتحلطم او تعفس وجهها او تتضايق ياريت تساعدوني الي مرت عليها مثل حاله اختي كيف التصرف المناسب بدون لا تزعل او تحسس لانها بالنهايه اختي واحبها وماودي اخسرها حتي اختي الي هي مقاطعتها دايم متضايقه وزعلانه وودها ترجع العلاقه بس بدون ماتعلم اختي أي شي ياريت تساعدونا