كيف اتعامل مع الزميلات المريضات نفسيا ؟ :(

السلام عليكم
بنات انا بنت ادرس في الكليه سنه 2 و معاي بنات نفس دفعتي عددهم 7 (معظمهم من يلاد الشام) هم الوحيدين الي ارتحتلهم لان باقي بنات الصف لبس و اغاني الله يهديهم
المهم انا من بديت اجلس معاهم فالكفتيريا و لاحظت وحده تحب تمثل دور الزعيمه
انا ابدا ما حاولت ابين انه حركاتها تضايقني لانه الدعاوي على طرف لسانها و مع انه 99% من دعاويها على اساس مزح بس حتى لو ما احب هالاسلوب فكنت اتحاشى ادخل فجدال معها
و بنات انا على نيااااااااااااااتي و الي فقلبي على لساني ومهما سالوني حتى لو اشياء ما كنت ناويه اخبرهم اقولهم
و دايما انسى بسرعه الحركات الي يعملونها و تضايقني اتغاضى و انا شخصيتي ضعيفه عندي فوبيا انه حد يخاصمني لو حسيت وحده تغيرت معاملتها لي اتازم نفسيا و يمكن ما انام فالليل اراجع كل حرف قلته حتى لو متاكده ما عملتلها شي
و اكتئب حتى ترجع تعاملني طبيعي (طبعا ما ابين هالشي )
:angry:اكره هالصفه


المهم البنت "الزعيمه" لسبب ما احسها ما تطيقني و خصوصا اذا باقي البنات مدحو شي في
و احيانا تحاول تخليهم يستهزو في,مع انها تحاول تبين انها تحبيني احسها تغاااااااااااار (الله اعلم من شو الغيره !! )
مثلا لو وزعتنا الدكتوره قروبات و طلعو 4 من القروب معاي خلاااااااااااص تتازم و تنتفخ و ما تكلم حد و اذا سالناها ليش زعلانه ترد بعصبيه مافي شيييييييييي
و اذا مره انا طلعت بقروب فيه كل البنات الي ما ارتاح لهم و هم كانو قروب بروحهم تشقق من الفرحه
و تجلس تمدح فترتيب الدكتوره و كيف انه احسن ترتيب و كيف انها حست اخيرا انه الدرس مفيد
:mad:

انا كنت بسالها اليوم و اجلس معاها جلسة مصارحه بس كانت معصبه و ما حسيت الوقت مناسب
احسها تحاول تفصلني من باقي البنات (و باقي القروب ماعندي مشكله معاهم )
اذا زعلت لازم الكل يراضيها (وانا ما حب هالاسلوب وين نحنا كي جي ؟؟ نلحقها وين ما تروح و نترجاها تكرمنا بابتسامه ) و اذا بنت ثانيه زعلت و حد حاول يراضيها تحسونها تحسس لازم هي محور الاهتمام
انا متضايقه لانه في بنت قبلي وجهت كرهها لها و هالبنت المسكينه صارت طول وقتها تجلس فالمكتبه "تدرس" او تروح المصلى "تنام" طفشتها و انا اخاف تطفشني !!!!!!
باقي البنات يحبون يتبعونها و حتى لما تغلط عليهم ما يهمهم !!
اذا بنت تحبها جابت اعلى منها تجلس تمدحها قدامي كاني بغار او شي هههههههههههههههههههههههه
و اذا انا جبت اعلى منها شوي و بتنفجر !!!!!! (مع انه نادر انا مو كثير شاطره)
ولازم تروح عن الدكاتره و تترجاهم يزدونها لحد توصل اعلى مني و اذا ما وافقو تجلس تقول انهم ظلموها و تدعي عليهم
(مثال على دعاويها "المزح" لما نكون فالصف و اطلع مرطب لابيلو الشفاف احطه تقولي جهنم ان شاءالله (على اساس انها تنكت ) و انا بهبل ارد ليش مافي غير بنات و هذا ماله لون !!! )



انا مو حاطتها فراسي
بس طفشتني لازم كل يوم اتنكد بسبب شي قالته لي او حركه سخيفه عملتها
(ملاحظه هي تعمل الحركات التطفيش لكم بنت بس انا الي يظهر علي اني متضايقه فاختارتني اكون هدفها التالي)