فكر مبدع

فكر مبدع @fkr_mbdaa

عضوة جديدة

كيف اتعامل مع الفرن ثابت درجة الحرارة 😭

اطباق عالم حواء

السلام عليكم انا عندي فرن درجة حرارته ثابته وحرارته عاليه
يعني انا الفطاير تجهز عندي بدري يمكن ١٢ دقيقه تكون جاهزه
الكيك عندي مايضبك والبسبوسه مرة سويتها وكانت الطبقه شوي عريضه استوت من فوق وتحت لكن من جوى مااستوت ايش اسوي
ابغ الكيك يضبط معي يعني اشوف بعض الوصفات مثلا تقول خليها نص ساعه انا فرني ماشاءالله عليه بسرعه اتوقع 😂😂
ابغ حل بدون لاغيره لأن عندي عندي فرن ثاني بس يخلص بستخدمه
واتخلص من عذاب الفرن هذا بس انا ابغ تساعدوني بطريقة لاستخدامه لين مايجهز فرني الثاني
1
363

يلزم عليك تسجيل الدخول أولًا لكتابة تعليق.

تسجيل دخول

عواطف تركي
عواطف تركي
اول مره اسمع انه في فرن درجة حرارته ثابته

معقول ماتقدرين تتحكمين بدرجة الحراره نهائي ؟

عموماً اذا كان الفرن تقدرين تتحكمين في تشغيل واغلاق الحراره من فوق وتحت اعتمدي تشغيل اللي تحت فقط

واستخدمي الرف الثاني بحيث مايكون ملاصق للنار ولا يكون بعيد مره .

واذا ماتقدرين تتحكمين بالحراره من فوق جربي انك تغطين قالب الكيك بغطاء او قصدير عشان يمنع الحراره عن الطبقه العلويه

واذا كان يحترق من تحت بسرعه يفضل تستخدمين طريقة الطبخ بحمام مائي يعني تحطين تحت صينيه ثانيه اكبر من قالب الكيك وتصبين فيها مويه ساخنه قبل تدخلينها الفرن عشان يقلل الحراره