كيف اتعامل مع المراهقة// ابي مساااااااعدتكم

السلام عليكم ورحمة الله وبركاته...

كيف حالكم يا عضوات شبكة عالم حواء...

الحقيقة عندي هالمرة سالفه وابيكم تعاونوني فيها ...

بكل اختصار بنت عمتي مراااااااهقه وتعاني من اي أشياء وايد منها:

1/ مالقت اللي يفهمها بالبيت امها ماتفهمها لأنها مرة كبيره اختها دائما تتهاوش معاها ومطنشة فيها وماكو اي علاقه بينهم واخوانها كبار يعني تبي اللي يسمع لها...

2/ عندها علاقه بصديقتها لكنها افرطت بالحب واخطأت وصديقتها من النوع اللي يجرح بس مايحب اللي يجرحه واهيا تعطيها لكن هذيك ماتحس وماتبادلها العطاء بس تبي الأخذ...

3/ دائما تبكي من غير سبب وتنتابها حالات حزن شديدة...

4/ حاسة بضياع كبييييييير جداًً وكره شديد للدنيا ولذاتها وعدم فهم لرغباتها...


المطلوب بختصار انكم تعينوني وتوضحون لي كيف اتصرف معاها؟؟

ابي اساعدها واكون معاها بس ماهي الطرق اللي اسويها معاها؟؟

ابي انتشلها من هذي الحاله اللي اهيا فيها