هذه طبيعه الناس الي ما عندها اهتمامات رئيسيه في حياتها
عموما انا في بنت ازعجتني كثير وهيه عمرها 19 سنه وانا بنت 23 سنه وسبحان الله تولفت معي التقينا واحنا نتدرب سواقه
بس عيبها ترمي الكلام سهام وانا ماحب البنت الي كذا ,, يعني تعلق ع وزني وسط مجموعه بنات ,, تقولي ليش ما تزوجتي وسط مجموعه بنات كرهتني في نفسي مع اني ادري انها مو من قصد ,,,
اكتشفت مع الوقت ان عدم اكمالها الدراسه بالنسبه لها خط احمر وفيها غيره من الي اكملو تعليمهم ,,, عاد انا اشتغلت فيها شغلانه وكل وقتي ولو كملتي يا فلانه ووووو والدراسه سلاح ووووالخ
الين طفشت وبدات تزعل وبيوم زعلت كثير قمت قلت لها انتي غاليه على قلبي كثير وانا طبعي حاد اذا احد يتدخل في خصوصياتي وتحديدا الزواج والحمدلله لساتني صغيره لكن احترمتك لانك غاليه فاذا تحسي اني ازعجتك ب سؤالي عن التعليم وليش ما كملتي افهمي اني اريدك تغيري اسلوبك معي مثل ما تحبين احد يتكلم معك بموضوع التعليم ما احب احد يكلمني بخصوص الزواج والبنت هجدت وفهمت قصدي

بس رجعت مره ثانيه تسوي لي نفس الضغط بخصوص راتبي لما توظفت سابقا تحن علي معاك فلوس وش راح تسوين بالفلوس كيف الفلوس صرتي بطرانه معاك فلوس ,,,,الخ وانا ما خبرتها اني تركت الوظيفه ,,,, لين اضطريت بكل هدوء اني اقطع علاقتي فيها والحين ما نتواصل الا نادر لان علاقتها تسبب لي توتر وماني ملزومه فيها

موضوعكم جاء بوقته ..طيب والي انتي معاها وعشره عمر وكل شوي طالعه لك بحاجه تدقك فيها وتحاول تقلل منك ولا تجيك اي فلانه قالت عنك فيك وفيك او تعيب بشي فيك بطريقه غير مباشررره كييف تردي ع وكيف توقفيها عند حدها وتاخذي حقك انا مابي اكون زيها انبش ع عيوبها او اشوف الناس وش تقول عنها وعايرها لاااني احسها حقاره قبل كل شي بس نفسي اكوون اعرف رد برد ينسف الجبهه وبين اني فاهمه مقصدها بدون تجريح