كيف اتعامل مع اهل زوجي

السلام عليكم ..


بفضفض لكم علاقتي باهل زوجي .. اخته كانت تستفزني بالقعدة مستهينه فيني لابعد حد والله ماتشوفني شي وانا اتغاضى .. ويشهد الله اني كنت احترمها واحبها لكن كرهتها من قلبي
وام زوجي كانت علاقتي فيها جدا ممتازة واحبها واحترمها
وترمي علي كلام وانا كنت مارد وتقول اني ماعرف اطبخ ولما تشوفني تنتقد عمرها مامدحتني
بس تمدح ف بنتها .. حتى لما جبت ولدي تلخبطت حياتي مع ولدي
صارت تقولي عدلي نومك وعدلي نوم ولدك وتعطي نصايح
جابت سيرة بنتها قالت ضعيفه ولدها مايخليها ترقد !!
طيب وانا مالي عذر ! احسها تكرهني ماضريتها بشي
ولما تزورني في بيتي تقول انا جيت عشان ولدي !!
ولما كنت نفاس عند اهلي تقول انا جيت عشان اشوف الصغير !!
المهم تصادفنا انا وام زوجي وكل وحده فتحت قلبها لثانية
ويشهد الله طلعت كل اللي بخاطري وانه حرفيا كرهتوني فيكم وبنيتوا بيني وبينكم حاجز .. انا جيت من عند أهلي ع بالي بروح لاهلي بس خاب ظني !


كنت اليفه وصرت شرسه ولساني طويل وماعاد احشم !


طبعا ماعاد زرتها بعد هالكلام بروح لها هاليومين ..
السؤال كيف اتعامل مع هالناس ؟ مستحيل اقطع علاقتي بام زوجي عشانها ام لزوجي وثانيا عشان عيالي ومابغى زوجات عيالي يقطعوني بكرة النهار