نفس وضع ولدي وعمرو سبع سنين عاد انا صار وقت المذاكره كابوس والله احزن عليه واقول ياليت مادخل المدرسه من قوه حزني احنا ماكنا زيهم وحنا صغار حتئ الكتابه يكتب كلمتين ويتعب ولا الرياضات حدث ولاحرج يخلي صاحبو يحل له بالمدرسه واقول له من كتبلك يقولي صاحبي ههههههه وا نا اكون مدرساه الدرس قبل لاياخذه بس مايستوعب تعبت منه الله يجعلهم من الاوال واشوفه كابتن طيار يارب

ام يارا
هلا بك اختي واي والله تعب المناهج المناهج الجديده
يبغالها روقان و اشخاص يستوعبون
الله يعين

حلوه خطتك
بس التلفزيون ما نقدر نمنعهم كليا عنه
خاصة وقت الغدا والعشا لازم تلفزيون
بس نقدر نخفف اوقات جلوسهم عليه
ومن ناحية الايباد فأنا منعته خلاص



لحظة هدوء
هلابك اختي
يكبرون العيال ويكبر همهم معهم الله يهدي ويصلح
خاصة الاولاد صعب انك تشكلينهم زي ماتبغي
ان شاء الله تشوفيه كابتن طيار







اليوم
بنتي راحت للمدرسه وكان خاطري اغيبها لانها ماحفظت زين
بس قلت اخاف تتعود
الله يفرجها علينا ويستر على بناتنا و اولادنا ياريب

انا ولدي نفس الحاله في ثاني ابتدائي والله اني تعبت معه افكر اروح احلله دم لانه مايركز  

نور القمر
الكل يشتكي الله المستعان
الله يصبرنا ويقوي عقول اطفالنا

اذا بالها مشغول في شي ما راح تركز
ابعدي عنها كل المؤثرات حتى لو اخوانها الصغار يلعبوا
اربطي الاشياء اللي تحبها بالحفظ يعني اذا حفظت اعطيها ولو ما حفظت
امنعيها
احفظي معها انت أقصد انت اية تقرئي وهي اية مرة انت تبدئي ومرة هي
هاللعبة تشجعها على الحفظ ويحسسها ان ماما تشاركها
عند شرحك للايات فصليلها شوي .. لو في كلمات متشابهة او تكرر نبهيها
لو ذكرت أمور بعدد معين علميها وعدي على أصابعك
مثلا في سورة الضحى عدد الله نعمه على الرسول
وهي ثلاثة : وجده يتيم فآوى - ضال فهدى -فقير فأغنى _
وفي المقابل طلب منه 3 أشياء نفس هذي النعم وعدي على اصابعك حتى تتذكر :
ان لا يقهر اليتيم - لا ينهر السائل - ان يشكر نعمة الله عليه ويحدث بها

والتغذية أكيد مهمة اذا هي مو كويسة احتمال كبير يكون عندها فقر دم
وهو أكثر شي يؤثر على التركيز
وما تعتمدي تغيبيها اذا ما حفظت .. مو حل ابدا