كيف اتعامل مع بنت غير مباليه

بنت ببداية مرحلة مراهقه لاتدعين عليها انتبهي دعوة الام مستجابه ادعي لها بالصلاح والهدايه
احسن حل انك تمسكينها بوقت فاضين ومروقين وتقعدين معها وتقولين لها يابنتي ياحبيبتي انا احبك وابي لك الخير ابيك مبسوطه بحياتك وماشيه بدراستك مثل صديقاتك
اسئليها عن التخصص اللي تحب تدخله بعدين بالجامعه وشجعيها تدرس عشان تدخله رغبيها بالدراسه لاتفرضينها عليها بالغصب لانه ماراح ينفع
حتى لو ماتجاوبت معك معليه حاولي مره وثنتين وعشره اقعدي معها على الاقل كل اسبوع ساعه لحالكم وخليها تتكلم وتقول اللي بقلبها واسمعي لها وشاركيها ببعض الاشياء حتى لو تسوون كيكه سوا او اي شي بسيط اتقربي منها بس انتبهي لاتحسسينها انك مو واثقه بها وتقعدين تسبينها او تسئلين صديقاتها وتقولين لها انتي كذابه وانتي وانتي ازرعي الثقه بها ورغبيها بالصلاه وحفظ القران ابدي انتي واياها احفظوا شوي شوي وسمعوا لبعض وجيبي لها هدايا بسيطه بين فتره وفتره
اخر شي واهم شي لازم تقعدين معها وتتحاورون وتشوفين وش عندها وتشوف هي وش عندك
الله يعينك التربيه صعبه ويبيلها صبر لاتدعين عليها كثري استغفار وبتشوفين نتيجه ان شاءالله

اكسبي بنيتك بالمعامله الحسنه وبالطيب والله مابينفعك بعد الله الا عيالكان اصلحهم ربي دعوا لك بحياتك وبعد مماتك