كيف اتعامل مع جارتي ؟؟؟

الأسرة والمجتمع

بدخل بالموضوع وبدون مقدمات
جارتي بصراحه وبدون مجاملات غاثتني بتصرفاتها الغريبه
تعرفت عليها من سته اشهر لكن طلعت لي قرووون من حركاتها الهمجيه
تخيلو رحت لها بيتها بس مره وحده وهي ماشاء الله كل يوم لاحظو كل يوم وهي عندي
ماعليه الله يحيها على عيني وراسي
لكن تتدخل في كل كبيره وصغيره
تدق الباب وتدخل بدون سابق انذار
لو زوجي فيه او موفيه عااادي عندهااااااااااااا :mad:

غير طلباتها الكثيره من ولدي الصغير يروح البقاله اربع خمس مرات وانا ماعمري ارسلته من خوفي عليه
الحين تمادت الاخت وصارت تطلب بطايق شحن اشتريها لها
وصارت تطلب اعمل حسابها للغداء عشان زوجها يتغداء
وصارت تسال هااه وش بتسوين عشاء وشبتسوين غداااء
وذا قلت لها تقول بالله كثري
انا معلي من الاكل في سبيل الله لكن استغلالها لي صار واضح
مره لقيت رساله في جوالي كاتبه فيها
تكفين يا ام فلان اذا صحيتي بدري ومالك نفس تطبخين عشاني اطبخي زوجي بيجي بعد ساعتين وانا ماطبخت شي

غير طلباتها الكثيره
ارسلي قدر ارسلي صواني ارسلي طقم الضيافه كامل ارسلي طالولات المباشره :mad:
يعني حسيتها مستغلتني بشكل مو طبيعي
غير السلفيات اللي تتسلفها
مره 300 ومره 20 ديونها وصلت ال 1400 في خلال معرفتي فيها
ولا فكرت اطلبها لين ماهي ترجعها

بصراحه اول مره تمر علي جاره بذي الاخلاق
على قولة زوجي يقول هذي مداومه رسمي عندك؟؟؟
والله العظيم اشغلتني عن بيتي وعيالي وزوجي
غير انها لاطلعت مكان رمت عيالها الاثنين عندي ولا جت قالت بالله ارسليهم لي
يعني هو استغلال لاني محترمتها ولا هي غشيمه ماتعرف كيف التقدير والاحترام
ابي طريقه رسميه واسلوب راقي اتعامل معها فيه
68
22K

يلزم عليك تسجيل الدخول أولًا لكتابة تعليق.

تسجيل دخول

ام شرف
ام شرف
اذا ما عطيتيها بوجهها ووقفلتي بابك عنها
صديقيني حيمتلي هالقسم كله بماشاكلك معها هههههه
الله يون بعونك
flare
flare
انتي معطيتها وجه
استغرب من بعض الحريم تشيل الحواجز بينها وبين جاراتها وتتحمل لما يأخذون عليها وبعدين تتذمر
الحل كله بيدك مثل ما خليتها تمون تقدرين تخلينها تكف
am3bdulah
am3bdulah
الله يهديها
ام راشد جت .كم
ام راشد جت .كم
اللي مايستحي منك لاتستحي منه

وكلمتن تستحي منها بدهااا

الطبخ قوليلها اني تعبانه وصايره مااطبخ ..وعيالها قولي زوجي يتضايق من الاطفال بالبيت وازعاجهم اسمحي لي

لاتجيبين عيالك عندي اذا بتروحين مكان وغير كذا قولي ماابي اتحمل مسؤليتهم ويصيرون بذمتي يكفي عيالي


وباب بيتك خليه مقفل دايم وكل شوي شيكي عليه ونبهي عيالك يخلونه مقفول عشان ماتدخل عليك كل شوي


وولدك لاعاد تخلينه يروح لبقاله ..وقوليلها انو امس ارسلت ولدي للبقاله وبغو يخطفونه شباب وانو خلاص زوجي متوعدني مااطلع ولدي من البيت

ومثل ماهي وقحه خليكي مثلها لاتستحين منها ..هذي الاشكال ماينفع معها حيا
نومية
نومية
نطيتيها مجال وتمادت

لازم توقفيها عد حدها وترفضين مرة ومرتين وثلاثه