زنبقة الوادي البيضاء :

. . . باك ... تسلمين اختي ام حاكم .. شجعتيني اكتب نصايح كمان :) ... شكرا ... - - - - - - - - - ((( بنات تراني ماقريت كل الردود فإعذروني لو قلت شي مكرر ))) حابه اقول انه مو كل الرجال يحبون البنت الثقيله .. في رجال يحبو البنت اللي تهتم بيه .. يعني تدق عليه تسأل عنه تقوله كلام حلو يعني عادي ... وانتبهي تطنشي مكالماته كثير .. يعني مثلا اذا كان يكلمك في اليوم كم مره ممكن تطنشي .. بس اذا كان مثلا كل يومين 3 فأحسن ماتطنشي ... انتي بنفسك حاولي تعرفي خطيبك كيف يحبك تكوني (او بمعنى اصح زوجك لأنه خلاص انكتب كتابكم).. وسوي اللي يرضيه ... امدحيه .. ترا الرجال يابنات زي الاطفال .. شفتو لما الطفل احد يمدحه فيقوم ينبسط ويكبر راسه ويقعد يعيد حركاته اللي عجبتك !!!كذا الرجال .. امدحي كلامه امدحي تفكيره امدحي اخلاقه اي حاجه حلوه فيه .. بس انتبهي تمدحيه بشي مو عنده لأنه كذا حيفكرك تكذبي عليه او تلعبي على عقله .. وانا قبل كذا قلت انتبهي تكذبي عليه .. لي عوده ... . . . .

. . . باك ... تسلمين اختي ام حاكم .. شجعتيني اكتب نصايح كمان :) ... شكرا ... - - -...

زنبقة الوادي البيضاء :

. . . السلام عليكم .. :) بنات لو لاقدر الله وسارت مشكله بينكم كبيره او صغيره ان شاء الله تافهه قد الفتفوته .. انتبو تقفلو قبل ماتحلو المشكله وتتصالحو .. حاولو تنهو المكالمه وانتو راضيين عن بعض .. لأنه لو ماتسامحتو رح تتعب نفسيتكم ويأثر هذا عليكم .. ويابنات في حاجه مهمه ابغى اقولها بخصوص المشاكل اللي بينكم او اي شي بينكم يسير .. انتبهي انتبهي تحكي احد عنها .. يابنات انا لما كنت احكي ودري عني زوجي مررره زعل ... الرجال مايحب احد يعرف ايش اللي بينكم ... وانا استغرب من البنات اللي يجون يكتبون مشاكلهم مع ازواجهم .. يعني غالبا تكون مشاكل ايام الملكه صغيره وتافهه وماتستاهل .. انتي وحدك تعرفي زوجك .. تعرفي شخصيته وتفكيره وكيف تقدري تتعاملي معاه .. واللي حتشكيله مايعرف عنه شي .. انتي اجلسي مع نفسك وفكري كيف تحلي مشاكلك معاه .. او احسن تصارحيه وتحاولو تحلو المشاكل مع بعض .. قوليله ايش اللي يضايقك فيه وحلو كل شي اول بأول ... وصدقوني لو كنتو تحبو بعض مره وتراعو مشاعر بعض مارح يهون عليكم تقفلو وواحد منكم مزعل الثاني ... لو اتذكرت حاجه كمان رح ارجع ... :) . . .

. . . السلام عليكم .. :) بنات لو لاقدر الله وسارت مشكله بينكم كبيره او صغيره ان شاء الله...