السلام عليكم ورحمة الله وبركاته...
أختي الكريمة "عصير فراولة"..
أولا.. أهنيييك على اجتهادك وتميزك في عملك ما شاء الله تبارك الرحمن..
ثانيا..زميلاتك اللي تغيروا عليك بسببها مردهم مع الوقت بإذن الله بيعرفون طيبك و أخلاقك و تتحسن معاملتهم معك،لكن لو علاقتك فيهم قوية مرة ومع ذلك تغيروا ممكن تسألينهم بصراحة عن سبب تغيرهم يمكن يكون عندهم سبب ثاني..
ثالثا..بالنسبة لذمها لأدائك في عملك فالادارة أكيد هي اللي بتقيمك عليه بناء على اللي يشوفونه هم مو على كلام زميلتك فأنتي استمري في اجتهادك واخلاصك في أداء عملك وبإذن الله ما يضرك ذمها..
رابعا..لاتبينين لها أبدا أنك متضايقة من تصرفها معك يعني لو ناظرتك نظرات كره و حقد أو سلمت على الكل و أنتي لا ابتسمي و أشغلي نفسك عنها و لا تلقين أي اهتمام لتصرفاتها السيئة معك ، و انتبهي تعاملينها بالمثل أنتي أرقى إن شاء الله يعني لو سلمتي على أحد وهي موجودة أبدا لا تحقرينها وسلمي عليها مثلهم و حتى بمشاعرك حاولي ما تكرهينها مثل ما كرهتك صح أن مشاعرك اتجاهها كرد فعل طبيعي لأسلوبها السيء معك بس علشان تكونين أفضل منها عند ربك ، لذلك دايم ادعي أن ربي يجعل قلبك سليم و صافي وبصراحة الغيرة اللي توصل إلى الحقد مرض ماهي بغيرة طبيعية -الله يهديها ويغفر لها والحمدلله الذي عافانا- لذلك ادعي أن الله يهديها ويشفيها ويصلح حالك معها بالنهاية تبقون زميلات في مكان واحد ومن الأفضل الوضع يكون هادي بينكم ، ولو قدرتي تطلبين من وحدة حكيمة تكلمها وتقول لها أنها ملاحظة أسلوبها السيئ معك وتحاول تنصحها بس طبعا من غير لا تقول لها أنك أنتي اللي طلبتي منها تكلمها فهذا شيء طيب ..
وبالنهاية حصني نفسك وخليك على حذر منها ..
وفقك الله لما يحبه ويرضاه..

اعتبريها غير موجودة فقط سلام وعليكم السلام .. الله يعينك على هالنوعية اللي تتعب النفسية

حبيبتي لا مواجهه ولا ترسلين وحده

الغيره مالها حل لو تقطعين نفسك تقطيع لهآ

اذا شفتيها وانتم مجتمعين امدحي شيء فيها .... ماهو عشانها .... عشان الكل يحسبك طيبه و على نيآتك وهي النذله ههههههههههه

ربي يكفيك شرها والي صادق مع ربه كفيل ربه بحمايته

الله يسعدكن يالغاليات..مشكورات على الرد
الله يكفينا شر الحاسدين ويحمينا يارب
وطبعا لوادري انها بتتغير كان كلمتها ..كانت غيرتها على خفيف ..وانا عارفة لكن زادت وصارت مع كره وحقد وخصوصا بعد تميزي عنها بكثييير  ومدح مديرتي لي دائما..