كيف اتعامل مع زوجي الخائن

السلام عليكم ورحمه الله وبركاته

مثل ماقريتوا في العنوان زوجي شخص نسونجي راعي بنات يطلع عشرين رقم يكلم فلأنه وعلانه لأجل يرضي شهوته ومايهمه قد أييش يخسر ولاجيت أبغى شي قال انتي مبذره كلمت اهلي وزعلت مره وكلمة امه

تصدقون قامت تقولي ولدي مايسوي كذا
وابويه يقولي ماعليك منه هذول بنات رخيصات يبون يخربون بيتك ومن هالكلام

وأمي تسمعني اسطوانات ان للوحده مايصدق أبوها وأمها انها تتجوز وتتستر كيف اذا جتهم وماعاها عيال وتبي الطلاق

آآآخ يابنات أنا اللي قاهرني ومموتني ان مره غيرت جوالي قام شال أرقام صديقاتي ويدق عليهم ويشوف مين تعطيه وجه

طبعا وحده منهم عطته وجه وهي ما تعرف انه زوجي لأني منقطعه عنها من زمان
والله يابنات بغيت أموت

أنا بصراحه كنت أطنشه على سواته لأني ادري فيه يلف ويلف ويرجع لمربطه لكن عقب سواته مع صديقتي والله عفته وصرت أعصب لأتفه سبب حتى ولدي أعصب عليه لأتفه شي يسويه مع ان عمره لسه 3 سنوات

والله يابنات احيانا ودي اهج من بيتي وما ابي اشوفه

استغفر الله والله لا ذوق ولا رقه فيه حتى كلمه حلوه والا رومانسيه مايعرف يتكلم حتى لما سألتهم عن صلاته قالولي من البيت للمسجد وهو كل صلواته يجمعها وقت العشا

انسان يكره كل شي حتى اللبس لا لبست شي حلو يقولي وين طالعه. لكن لو وحده غيري تعالي شو في انواع المديح

والله يابنات محى كل الانوثه اللي فيني صرت عصبيه بشكل فضيع

والله يابنات ما ادري كيف بكمل حياتي معاه أخاف اتهور واسوي شي فيه

أنا ما ابي منكم الا دعوه بظهر الغيب لان قاعده اكتب ونا عارفه ان ما بيدكم الا الدعاء لي

لان هذا نصيبي من الدنيا
بس كتبت لأني مخنووقه ومتضايقه حييل

اسفه طولت عليكم

بارك الله فيكم