كيف اتعامل مع زوجي الي ما يهمه زعلي ابدا؟؟

تعاملي معااه بالمثل وبكل برود طبعاااااااااااااااا حتى هو اذا زعل خليه يضرب راسه باقرب جداااار وعيشي يومك فليها لنفسك ونسي نفسك لاتنتظرين منه يجي يراضيك ولاتخلينه ينتظر منك انك تراضينه عزيزتي ربي يوفقك

معقوله مافي غير رد واحد فقط

طالما هذا اسلوبه خلاص طنشيه

حبيبتي الحال من بعضه وانا كان لي موضوع هنا بنفس المشكله مع زوجي 
والحين متزاعلين بسبب تاااافه من خمس ايام وانا هالمره مبرده اعصابي ع الآخر ولا سألت فيه ولا كأنه موجود خلاص طقت كبدي من الزعل ع الفاضي والمليان واني اكون انا الزعلانه ويجي هو ويقلب الأمر ويصير هو الزعلان والساااكت ويعاملني ولا كأني موجوده حالي حال الطوفه بالضبط وبعدها لما يقرر يراضيني يجي ف السرير ويحضني وهكذا 
الله المستعان ما لنا الا الصبر 

يمكن زوجك يشوف ان اسباب زعلك تفاهه وغير منطقية عشان كذااا يطنشك وما يهتم 

اذا كنتي من النوع الزعووول الي تزعلين بسرعة وتدقيقين في كل تفاصيل حياتك معاه 

فانصحك تراجعي نفسك وبلاااش زعل على الي يسوى والي ما يسوى 

اما اذا الموضوع مختلف وانه لما يصير منه غلط يستوجب الزعل ويتعمد انه يتجاهلك وما يراضيك 

فانتي لا تهتمين وخليييه لكن لما يصير منك شي ويبيك تعتذري منه طنشيييه ومشي الحياة 

تره فيه ازواج نفس الاطفال ما يحبون يعتذرون ابداً شفتي الاطفال كيف يضربون بعض وبعد ثواني ينسون السالفة ويلعبون 
عامليه بالمثل لما يصير منك اي غلط وشفتيه زعلان عامليه عادي ولا كأن صار شي 
واذا عاااتبك قوليله هالتصرف ما يزعل انت دائماً تسويه معاي 

وشي جميل ان يبادر احد الطرفين للمصالحة 
ولكن احذري ان تكوني دااائماً وابداً المبادرة للمصالحة كذا تعوديه ان لازم انتي تعتذري دائماً سواء انتي صح او غلط