خلاص لاتوقفين على كل شيء خليك عاااديه عجبتك المزحة اضحكي وبلا نكد. ماعجبتك طنشي كنك ماسمعتي. انتبهي تعطينه نقاط ضعفك بتكبر الفجوه ويصير يعرف وش ينرفزك بصراحة ذكرتيني بواحد من اقاربي يحب المزح وقعدته  عسل من يوم تزوج انواع النكد راحت روحة المرحة يخاف يقول شيء وتزعل زوجته وش ذا الحياه.

اشياء عاديه جدا ماتستاهل هو راعي مزح واضحه
هل يقول هالكلام وهو جدي مااتوقع احس من شكله واضح يمزح
اجل لو مزح معك وقال بتزوج اخطبي لي ولاقلت لااختي دوري لي حرمه وش بتسوين ؟ ثم قالك ترى امزح بتروحين لااهلك شكلك ؟
مجربين مزحهم تراه كذا غير مزح البنات تعلمي تطنشينه وتمشين على كل شي زعل مايصير بيطفش منك سلكي له وبس اشياء تافهه مو قويه

تستاهل تنكدين على عمرك وعليه

كم عمرك ؟
لان اللي اقراه عباره عن تصرفات طفوليه غير ناضجه منك
مسألة انك تدقين كثير على زوجك بكل مكان شي مزعج جداً وينرفز ويحرج زوجك قدام الناس طبيعي ينفجر بالاخير
وترى زوجك مبين انه متحمل وصابر لكن ثقي تمام الثقه ان الصبر له حدود
الواحد يبي بيته يكون مصدر للراحه مو مصدر للقلق والتوتر والطنقره والتزيعل والنكد
اكبري وانضجي بعقلك وتصرفاتك مو معقوله بالحياه كل ما كلمك احد فتحتي الحنفيه وبكيتي مثل الاطفال كوسيله للاستعطاف والتمسكن واقولها للمره الثانيه الصبر له حدود وراح يجي يوم تمارسين نفس التصرفات وتزعلين وتبكين ويسحب عليك ومايعبرك وممكن حتى ينفر من البيت ويتجاهل اتصالاتك ورسايلك حتى لو ارسلتي له بموت تعال انقذني بيطنش لان عقله تبرمج انك انسانه متلاعبه مشاعرياً وتصرفاتك غير ناضجه وعشان يريح راسه يطنشك
فتداركي نفسك وانضجي وطوري شخصيتك ماعدتي بزره وبفمك ننه ترضعين

يمكن انتي صغيره بالسن
صدقيني واضح ان نفسيته حلوه
بس انتي يمكن حديثه على الوضع ويمكن شخصيتك مره حساسه
ترى الرجال يتحملون فتره من باب محبه وبعدين اذا صار الشي روتينك مستحيل باقي تقدرين تعدلين شي وسعي خاطرك ولاتزعلين الا اذا الشي يستاهل عشان تكونين انسانه محترمه وزعلك له احترامه
وعاد انبسطي زوجك انسان مرح مو زين تحملينه خطا انه بس انسان وسيع صدر

مبين إنك صغيرة

لكن حابة اقلك.. الصورة اللي تطبعينها حاليا بمخيلة زوجك
انك زعولة, نكدية ,حكيمة, ذكية اللي يكون
هي اللي بتخدمك باقي عمرك في حياتك الزوجية
فنصيحة لاتخربي على نفسك وتنطبع عنك صورة سلبية
بعدها حتى لو تغيرتي بتبقى النظرة لك بنفس النظرة اللي انطبعت عنك سابقا

ف حاليا لسى مافيه تراكمات والقلوب غالبا على بعضها طبيعي حيتحمل ويضحك
لكن بكرة ح يمل وتسمعي كلام قاسي .
عشان كذا لازم تكون ردات فعلك ناضجة

واعتبري هالأمور البسيطة فرصة تغيري فيها نفسك للأفضل
ولا تقولي كيف اتغير .التغير قرار جازم منك . غيري ردة فعلك بس ..إلى أن يصير الموضوع طبيعة فيك .
واعملي ب نصيحة الرسول إنما الحلم بالتحلم والعلم بالتعلم.