هاذي مافيها كلااااام ,, زوجها يبي يفتك منها الخميس والجمعه ويصرفها عندكم وهو حضرته بدل مايتحمل مسؤليتها هيا وعيالها يتونسع و يوسع صدره في نهايه الاسبوع وانتو لكم النكد ,,

يارب لاتواخذني ,, بس بديك شويه طرق ممكن تطفشها ولو اني اشك لانها واضح ماعندها دم ,,

اول شي وصصصي شغالتك لا تاخذ منها ولا قرش وقولي لها انا بعضوك بضعف المبلغ اللي تعطيك وخليها تطنشها ولما تناديها ماترد عليها ولاتسوي لها ولا شي ابدا ابدا ,, واذا شغالتك مقويه خليها تنافخ في وجهها بعد

ثاني شي فجاه وانتو جالسين قولي ياربي فيه ريحه كريهه بالشقه واسألي شامينها ؟؟ واكيد بيقولون ايه وابدو دورو عن مصدر الريحه يمكن تتفشل ,, يمكن

ثالث شي لما تجي خليك ماسكه جوالك طول الوقت او روحي غرفتك واذا تقدرين كمان شيلي عيالك وهي عندك و روحو مشاوير ,, مول مثلا او حديقه او اي شي ولاااتعزمينها ابدا خليها تشوفكم وانتو تتجهزو ولو سألت قولي بنروح مشاوير وعيالك لاتعلمينهم وين رايحين عشان لا يفضحونكم

رابع شي قهوتك خليها مااااسخه مافيها طعم خليها كلها ماء ,, والشاي كذلك ,, اصصحك تجيبين حلا او معجنات خليها قهوه وشاي حافه واذا كثرت تمره مع القهوه فقط ,,

خامس شي النت افصلوه لا تسددونه ,, ادري صعب الواحد يعيش من غير نت بس ماعليه تصبري عشان الهم ينزاح ,, واذا زوجك رفض ضيعي سلكه الرئيسي وقولي ولدي ضيعه ,,

سادس شي احذفي كل القنوات اللي تتونس عليها و تتابعها وقولي عيالي لعبو بالقنوات ,, معلش حبيبتي ادري زودتها بس عشان ماتلقى لها متنفس

سابع شي خلي البيت مكركب شوي ولا ترتبينه كثير اذا هي جاتك ,, يعني اوكي لما تجي اكيييد بيكون البيت نظيف لكن لما تبات وكذا خليه بكراكيبه و وصي الشغاله تتركه وقولي شغالتي سايره مررره عنيده واخلاقها زفت وقولي لها يالله يا فلانه بنتبه سوا ,, واذا ما قامت اكرفي عيالها وعيالك طبعا بالترتيب ,,

ثامن شي دايم خلي خاوتك يدقون عليك باستمرار وهي عندك ورددي وانتي عندها ثم بعيدن قومي وكلمي المكالمه من غرفتك ,, يعنني فيه اسرار دوله ,, عادي خليهم يقفلون اول ماتدخلي غرفتك بس انتي اجلسي شوي ع اساس تتكلمون ولو سألتك منهي قولي وحده او اختي ولاتحددين منهي بالزبط ولو قالت وش تبي قولي لها بس تسالني عن شي وبس

تاسع شي خلي اجابتك معها نقتضبه جدا ولا تسولفين ,, يعني لا تكلمينها الا لما تسألك وردي رد مقتضب جدا جدا ,,

عاشرا ,, كلمي زوجك قدامها وقولي له من زمان يابو فلان ما تمشينا مليت كل خميس وجمعه واحنا بالبيت ,, خاطري اتمشى واطلع مثل الناس ,,

ولما تحط غسيلها بغرفه الجلوس لميه و وديه غرفتها قولي لها انا و رجلي بنجلس وتفشلت جوزي شاف ملابسك ,, لاعاد تحطينها هناك ,, او خلي عيالك يحوسونها لها بشوكولاته او عصير


ان شاء الله عاد بعد هالنصايح تمل وتتركم بحالكم

.،

الله يكون في عونك

حبيبتي والله ما اظن انك تجهلين كل الحلول اللي قالوا لك عنها البنات
و كلنا نساء و كل وحدة عندها مكر ..
لكن انا اشوف ان الحل في يد زوجك بما أنها قريبته خليها تجي منه احسن لك
تعرفين المثل اللي يقول كثر الدق يفك اللحام ؟! اشتكي عند زوجك وأنك مش مرتاحة
و خليه يحل الموضوع بطريقته .




.،

الله يعينك بصراحه الاشكال هذي اذا مااستحت لازم لها احد يعطيها على وجهها حاولي تقولين لها ان يوم الخميس والجمعه يوم عطله واحب اجلس مع زوجي وعيالي او نخرج قولي لها حتى اهلي يعزموني بس ارفض علشان زوجي وعيالي ،او زوجك يحاول يعتذر من زوجها كل ما كلمه بكذا راح يحس على دمه وزوجته تنطق في بيتها وتخفف من زياراتها لك.

هههه هاذي تجيكم علشان ترتاح وتستغنم الشغاله سفري الشغاله وخليها تخدم نفسها وعيالها وشوفي اذا عادتها وجاتك مرة ثانيه

الله يعينك مالك الا تقولين اذا دقت عليك بتجي انكم بتطلعون صرفيها باي حجه لين تفهم انك ما تبينها جد الله يعينك