كيف اتعامل مع هالزوج😭

السلام عليكم
بنات انا عندي مشكله ربما تشوفونها بسيطه لكن والله إحيانا اتعقد منها ابي تعطوني حلول وترشدوني لطريق صحيح بحيث ماخسر حياتي معاه
اول شى ابقولكم شخصية زوجي إنسان فاقد حنان ماعنده ثقه ف نفسه بيتوتي شديد مايطلع الا لدوام وللمسجد طفشت منه يبي أصير له كل حياتي هو يبي اهتم فيه اهتمام شديد كانه ولدي مو زوجي يبي وقتي كله له لو جوالي انشغل فيه او اكلم احد عشر دقايق ويطفش يبي اسولف له اهتم فيه بلبسه وباكله واجلس معاه يبي أصير بحياتي له ولعياله بس لدرجه اهلي يحرمني منهم يقول يومين يكفيك خلاص مع اني بعيده عنهم واجي بالشهر مره مناسبات كل شى يعتبره ماله داعي تروحين عني خلاص المكان اللي اروح تروحين معاي وكل شى خاص لاهلي ماله داعي انتي خلاص تزوجتي طلعتي منهم والله تعبت خصوصا اذا شفت جمعاتهم اجلس ابكي ماعلمت احد بس اكتمها ف قلبي واصيح طفشت م تزوجته مايحب يشوفني انسعد مع احد غيره حتى لو اهلي يبين اربط حياتي كلها فيه واترك الناس كلهم طيب انا مليت تعبت البيت كله مسؤليات زوجي وعيالي طفشت ابي أغير روتيني مع غيره وصح يطلعنا لكن تعرفون عايشين غربه منطقه مانعرفه بها احد خلاص مليت منه ومن عيالي وهو يقولي براحتك اذا تبين تنشغلين لاهلك والناس روحي ع كيفك لكن ولله لاتزوج عليك وحده تهتم فيني وتعطيني وقتها وحياتها كله لي وانتي خليك ع راحتك انا كذا مابي أخرب حياتي عشان كذا اصبر واحاول ماخسره آلبي له مثل مايبي لان والله ماعندي احد يرحمني غيره صحيح الاهل حنونين لكن مايلبون لي احتياجاتي واللي طفشني زياده حتى ف نفاسي سبب لي مشاكل كله ليش انفس عند اهلي والله نكد علي بالمشاكل يرسلي ويقول ابروح أخطب غيرك وحده تتمسك فيني مو بس متعلقه ف اهلها وصارت مشاكل وخفت ورحت لمه يوم كملت شهر رحت لبيتي وندمت ووعدته مره ثانيه ماولد الا في بيتي خلاص مو ناقصه مشاكل وتنكيد مكتوب لي حياتي كذا الحمدلله تدرون وش نقطه ضعفي اني انا محتاجه الزواج اكثر منه ولاارتحت الا يوم تزوجت الحمدلله عشان كذا راضيه وصابره كله عشان ماخسره لو اليوم حياتي عند اهلي حلوه كان ماعلي منه طنشته وعشت مثل مابي لكن انا بحياتي كله الله ثم هو عشان كذا لبيت له نفس مايبي وعودته علينا الين تمادى وقال يومين لاهلك تكفي والله احسد البنات اللي تتهنى مع اهلها وترجع لزوجها ماشاء الله عليهم انا م تزوجت فقدت سعادتي مع اهلي تعرفون الوحده تحن بعد ماتتزوج لكن عندي زوج ينكد علي ويكرهني اليوم اللي اروح لهم فيه وأقول لو انطق عنده احسن م التنكيد اما ف بيته يصير لي كل شى ويحبني ويهتم فينا بس عشان ماقوله اهلي يبين أتعلق فيه واحطه كله حياتي ودايم يهددني اذا انتي مو عاجبك اروح اتزوج غيرك يعني إحيانا اتعقد منه احسه متزوجني عشان يلبي احتياجاته فيني واذا ماقدرت اعطيه يروح يدور غيري حتى صرت افكر انه مايحبني بس يلبي لي ويعطي لي عشان اعطيه واهتم فيه والله تعبت مو قادره اتوجه لطريق صحيح ويرشدني لصواب الله يسعدكم بالدارين عطوني حلول توجهني لحل مشكلتي جزيتم خير