شكرا ما نجو على ردك
انا ما ارسلت الا مره لها
وبعدها صرت ادقها بس
صح انا حساسه
وهذي اكبر مشكلي لي
اما سالفه اطنش
انا طبعي كذا ما اقدر حاولت وربي حاولت بس مدري وش اسوي

بصراحة حسيت بغم وأنا أقرأ الموضوع أجل إنتي الي في وسط المعمعة هذي أكيد بيجيك الغم والهم والإكتأب
يا تكون الطلعة لتغيير الجو والبسطه والفلة ولا أجلس في بيتي أقابل زوجي وعيالي وأهتم بنفسي وأريح نفسيتي ليش أطرد ولا اللهم والعلة وبعدين بأقولك حقيقة ترى جمعت الأقارب هذي اليومين ما وراها الا النكد الأقارب مو مثل لأول إنتشر الحقد والحسد والكبر اللهم يا كافي

شوفي بكل صراحه إذا بتستمرين بأسلوبك هذا في التعامل
محد بيتعب غيرك حبيبتي ...... أبهري الأخرين بتغيرك وبطريقة معالجتك
لمثل هالمواقف و عودي نفسك على تصنع اللامبالاه بردت فعل الأخرين
مثلا راسلتيها وقلتي بزورك وقالت برد لك هناااا خلاااص لا تراسلينها نهائي نهائي
حتى لو ما فكرت ترد عيك أبد لا تراسلينها ولا تعاتبينها إذا شفتيها ولا كأنه حصل شي
وتعاملي بنفس البرود لا تخلين الأخرين يتفرجون على ردت فعلك :cool:
كوني ذكيه و عودي نفسك على ضبط الأعصاب وإكتمي غيظك وأكبر رد على إلي
ضاربك طناش هو البررررود معه بالتعامل :ohplease:
أنتي مشكلتك متهوره بتصرفاتك وأي تصرف يطلع حاصلك وتقومين تهاجمين
وتعاتبين :icon29: وترى إذا إستمريتي على هالطريقه بتلاحظين مع الوقت الجميع بينفر منك

تعودي تتصرفين بحكمه آكثر وأقضي أو أقلها خففي من الحساسيه
والله يا مرت علي مواقف تشيب الراس من هالبشر كنت بالبدايه أطرطع وكل شي
ممكن أسويه :icon29: على بالي رديت إعتبار لنفسي وللأسف كنت أضحوكه عند هالبشر
بعدها تغيررررت وعزمت ع التغير وكثير متفاجئين من ردت فعلي اللامباليه بكثير
من المواقف إلي تغث صرت ما أخلي أحد يقدر يستفزني :icon30:

مره من المرات شبهتني وحده على ممثله خلق الله حسن وأنا عارفه نيتها لإنه علاقتنا
نهائي مو طيبه ومع ذلك قلت لها بالله تشبهني فرحتيني بصراحه و وضحت لها
قد أيش أنا مبسوطه :icon30: و وقتها ماتتتتتت قهر وبان عليها قهرها ثقلي ولا مبالاتي !!

ومره وحده أتصلت علي وقالت بكل سعة وجه خلينا نطلع نغير جو مالقيت غيرك يطلع معي !!
طبعا هي توقعت ألعن خيررها :icon30: وآعاتب وأرفع ضغطي مثل أول تفاجئت بردت فعلي
قلت لها والله حبيبتي ما أقدر ظروفي ما تسمح إن شاء الله تحصلين أحد غيري يوسع
صدرك ....
وعقبها أنكتمت وحاولت تبرر كلامها وأنا بكل برود أقول هو وش فيك يا قلبي عادي
يعني إقهرررررري هالبشر وغثيهممم ببرود وتصنع اللامبالاه أفضل لك
طبعا هالشي ماراح توصلين له بسهوله لازم يكون عندك عزيمه وإصرار ع التغير

لا بعد تذكرت وحده هههههه عزمت الجميع إلا أنا ماعزمتني وكانت من هالتصرف
تبي تغثني وتحسبني بموت بغيظي وبعاتبها وبعطيها أكبر من حجمها
المهم سكت وعديت الموضوع ومن تقابلنا بجمعه شافتني أسلم عليها ولا كأنه فيه شي
وبعدها بدت تعتذر وإنها إتصلت بي ولا رديت ههههه << الله من الخرط :tongue1:
المهم قلت لها عادي بعد عمري أصلا ماشفت إتصالك وهي خراطه ما أتصلت
وبعدها قلت بذاك اليوم كنت مرتبطه أصلا ولا وضحت لها إلي بخاطري
وجلست تاكل بعمرها وأنا عايشه جوي
حبيبتي كبري عقلك عن هالأشكال و خليهم يتعلمون السنع منك ولا مبالاتك فيهم
أكبرررر رد مدمر لهم :) لا تنزلين من قدرك بالأخذ والعطا معهم وبالهواش
والعتب كلن تعاملي معه على حسب تفاهته !

وإن قيل لكم ارجعوا فارجعوا هو أزكى لكم

طالما إنك فهمتي من تصرفها إنها ما تبي الزيارة فكان المفروض تحترمي رغبتها وما تلحي عليها وكمان فوق كذا ترسلي مسج تحرجيها.. ما تعرفي ظروفها.. يمكن حتى مزاج بس ما عندها رغبة في الزيارة، وما في شي بالغصب، وما قدرت تعتذر لك بصريح العبارة.. وإنت ذكية فهمتي إنها تصريفة فكان واجب تنصرفي وتتركيها فحالها..
ما أشوف الحين إنها غلطت عليك في شي.. الأذى جاها هي منك.. ريحي الناس وبترتاحي

والله من جا بلا عزيمه قعد بلا فراش معليش لا تزعلين بس مين اللحين اللي يفرض نفسه ع الناس ويرسل ترا بنجيكم يعني يمكن زوجها مايرضى يمكن هي تعبانه يمكن مالها مزاج تستقبل ولما ماردت معناتها خلاص ماراح تقدر تستقبل تروحين وترسلين لها بعد مره ثانيه المفروض فهمتيها لحالك وماقعدتي تحرجين بالحرمة دامك انتي قادره تجمعينهم من الاول خلاص كان عزمتي انتي وهي اكيد اول ماتكون ظروفها مناسبه بتعزمكم 
انا مدري عن حركاتهم الثانيه معاك بس بهالموقف انتي الغلطانه