الله يعينك والله كنت بقولك سوي لرقمها حظر


لكن هاذي صارت تتصل على الناس كمان لالالا جد شئ يرفع الضغط


كلمي خالك وقولي له ماعندي وقت غير اليوم الفلاني فقط مثل ماقالت وحده فكرتها حلووووه ..

قولي لها توديها الی معلمة خاصة لان انتي ماتقدري وهي تعرف ظروفك
الحين معاهد وبنات المتخرجات بدون وظيفة يدرسون برسوم بسيطة

حددي لها يوم بالاسبوع واذا جاتك غيره لاتذاكرين لبنتها قولي علي اختبار وقولي عن اذنك وروحي غرفة ثانية اتصلت لاتردين ارسلت عليك أي احد لاتردين واذا قالت قلت لبنت عمك قولي ادري بس قلت لكك ماني فاضية الا ذا اليوم او علي اختبار او انك مشغولة وكلمي بنت خالك قولي لها معد بشرح لك الا اليوم الفلاني اليوم اللي انتي محددته غير كذا ماني فاضية عندي اختبارات وشغل بيت تزعل ولا ترضى مع نفسها وخالك اذا حسيتيه شال بخاطره قولي له عن ظروفك وانك مارفضتي تشرحين لبنته

اللي ما يستحي منك لا تستحي منه .. اعطيها في الوجه .. قولي لها يافلانه انتي عارفه اني امي متوفيه ونحن طول اليوم نشتغل ونكرف في البيت ولا عندنا شغاله ونذاكر لأخواننا غير طلبات الغذاء والعشاء.. حتى وقت ترفيه ما القى .. من وين اجيب وقت لبنتك اذاكر لها .. المكتبه مليانه كتب شرح قواعد الماده .. غير الملخصات الموجود فيها كل شي .. خلي امها تأخذ كورس عشان تعرف تذاكر لبناتها او ع الاقل تدخل موقع سعودي انجلش فيه نفس المواد مع الشرح والحلول .. او ارسلي لها رقم معلمه لغة انجليزيه وقولي لها هذه واحده متفرغه وتبغى طالبات تذاكرلهم وتعطيهم تلاخيص للماده بمقابل مادي .. حقيقي اكره شي الى قلبي الناس اللي تفرض نفسها عليك بالقوة . اعوذ بالله .. منهم .. الله لا يكثر من امثالهم

انا اقول دام خالك طيوب كلميه وفهميه الموضوع زين وانك مضغوطه وان شاء الله يتفهم وضعك اظن هذا افضل حل وفهميه ان الكلام بينك وبينه لا يطلع