كيف اتعامل مع هذه النوعية من الناس

السلام عليكم ورحمة الله وبركاته

عساكم بخير

أنا اعاني من مشكلة يابنات تعبتني بصراحة

معاي زميلة عمل غريبة الاطوار

توظفنا مع بعض في نفس التاريخ .............وانا بسبب عدم ارتياحي طلبت نقل مرة من مكاني ونقلوني بعد معاناة وبعدها استقريت وحسيت بان هنا الدنيا وارتحت نفسيا ........وبعدها بكم شهر صدر قرار برجوعي لنفس الدائرة بسبب طلب مديري السابق وكنت زعلانة شوية ولكن قلت يمكن خيرة وفعلا في البداية حسيت ان ممكن اقترح واطور واحقق طموحي واتجاهي اللي كنت اتمناه و لكن المشكلة اكتشفت ان يخافو من التطوير ولكن برضو نقول ماعلينا الانسان مايقدر يحصل على كل شئ يتمناه...


المهم لقيت البنت مازالت في نفس مكانها وانا رجعت لهم وكانت علاقتي بها جيدة في السابق وماشاء الله عليها لقيتها عارفة العمل بشكل جيد ويعتمدو عليها بشكل كبير ولكن المشكلة حطتني في بالها لانه من اول اسبوع راحت تشتكي عليا عند مديري وتقوله فلانة ماتساعدني فناداني المدير وقالي بصراحة فلانة قالت كذا كذا فرجاءالاتزعليها فانصدمت لانه ما امداني اشتغل وابدأ وبالعكس انا لما اخذ اي شغل اكمله كامل وبرغم كذا ما دافعت عن نفسي من الاستغراب فقلت له ان شاء الله وسمعت الكلام كامل ورحت



بدت تستخدم اسلوب انها تبين للاخرين بانها هي اللي فاهمة واللي عارفة الشغل كيف ماشي والخ من الحركات الغير مباشرة و هي في يوم اعترضت عن الاشغال اللي اعطاني اياها المدير وقالت ايش رايك نبادل في نص الفترة فقالها المدير الفكرة حلوة ولكن تطبيقها صعب فقالت علشان نستفيد فقالها برضو صعب وانت بإمكانك تدخلي على عملها بمنتهى الحرية عن طريق ملفها في العمل اذا حابة تعرفي طبيعة عملها

سكتت هي على مضض وجات في يوم ثاني دخلت انا فلقيتهم بيتكلمو والمدير قالي تعالي اجلسي لانه بنتكلم عن سير العمل فقلت له طيب ولقيتها قاعدة تقوله انا انا بسوي بسوي وبعطيك ملخص العمل اخر الفترة .........مع ان اللي قالته هو من مهامي انا .........فقالها المدير مش مشكلة انت او هي او فلانة الثالثة تكتب الملخص كله واحد ..........وانا يابنات كنت اشوف وساكتة لانه ما معقولة اجلس اعاندها

باختصار هي ما متحملة حد يفهم الشغل غيرها ظنا منها اني ممكن اخذ منها اهتمام وحاجة الموظفين لها

احيانا بتتعمد ترفع صوتها وتقول انا بساعدك وتثقل في الكلمة علشان تسمع المدير ان المكان ما يمشي من دونها مع اني اكتشفت انها على غير دراية بأبسط القوانيين المفروضة.......وطبعا هذي الحركات معروفة لانه مرة من غيضها انا كنت اناديها وعصبت وقالت قوليلي لو سمحتي فاستغربت من موقفها لاني ناديتها بأدب ولكن هي متغاظة بدون سبب حاسة مسوية لها أزمة

ساعدوني يا بنات لانها نفس السوسة اللي هي ماتعرف تسكت وتحترم رغبات غيرها تبغى تاخذ الشغل بالغصب لانها تتعودت تكون هي العارفة ......هذي مصيبة لما تروح للمدير وتقوله كذا لانه الرجال شك ويقولي انا طالب منكم خطوات عملكم بالضبط

ايش الحل ؟؟؟

اكلمه وافهمه ولكن بكون صغيرة عقل لو سويت كذا ؟؟واذا انا سكتت اخاف تستمر في سواياها