كيف اتعايش مع اشخاص مو هاضمتهم !!!!!!!

اهلين جميعا....

في حياتنا الاجتماعية نقابل ناس نرتاح معاهم وننبسط بشوفتهم
وسبحان الله في ناس ابدا مايصير توافق معهم ولا نهضمهم

بالنسبة لي زمان ايام الدراسة كنت استمر مع الجميع اللي اهضمه واللي ماهضمه
طبعا النوع الثاني كانو يجرحوني يضايقوني
ارجع من اي جمعة معاهم متنكدة بس ماعندي قدرة اني اتركهم كنت استمر معاهم
فيه نوع مايجرح لكن يسوي حركات من تحت لتحت مع الجميع مو انا المقصودة لحالي

بعد ماكبرت وتثقفت بدات اتخلص من كل شخص مزعج في حياتي ولله الحمد
باقي بعض القرايب اللي ماقدر اتخلص منهم
لانه امي تجبرني اجاملهم واماشيهم عدت الايام وتزوجت وبالتدريج مشاغل الحياة خلتنا نبعد عن بعض

وصار مالهم اي وجود في حياتي ولله الحمد

بعد الزواج جتني مصيبة ثانية وهم الحمولة الله يهديهم


وهم اللي ماقدر اتخلص منهم





بختصرلكم سالفة حمولتي انا اخر مرة ولد لهم مرة اصغر واحد المهم

طبعا خواتي اللي متزوجين قبلي مع حمايلهم مرة طبيعين وامي مع اهل ابوي

وحنا ومرة اخوي مرة متفاهمين

كنت اسمع بالحمايل المتوحشين بس كلامي انا وامي انه مرة الولد هي السبب وانه مرة الولد الحليلة حمولتها بيصيرون حليلين






انا دخلت على الحمولة اخر وحدة ولاحظت انه فيه فتور بينهم وبين حريم عيالهم

طبعا غبائي فلت البلا في حريم العيال وهم ماشالله كثار

وصرت حبوبة معهم وتعاملت بطبيعتي

لحد ماصارلي مشاكل مع زوجي وراحو ينقلون له كل الحكي اللي قلته عنه وانا اشكي منه لهم

وحطوني بمشاكل مالها اول ولاتالي

وبدال مايهبطون ولده صارو يزيدون ولدهم علي
وانا الوحيدة من حريمهم اللي حاشمتهم ومكرمتهم



المهم انا تعلمت بس بعد ايش

وقالت لي صديقة وانتي رايحة لهم احتسبي الروحة لوجه الله وانك ترضين زوجك

واعتبريه كانه دوام كلنا مانحب الدوام لكن مضطرين
وجهزي لك مواضيع عامة ولاتتكلمين بمواضيع خاصة

وفعلا هدا اللي صار
وحطيت حد بيني وبينهم
طبعا تغيرو معاي كثير لانه بعد ماكنت انا وياهم شي فجاءة اصير شبه رسمية



مشكلتي اللحين انه انا ماشوفهم الا بدوريتهم كل اسبوعين


وطول الجلسة احس اعصابي مشدودة ومو مرتاحة
وبعد مارجع منهم اجلس يومين مشحونة بطاقة سلبية ونفسيتي زفت


مع انهم ادكياء جدا مايخلون الواحد يمسك عليهم غلط
لكن انا صرت ماهضمهم ولا ارتاح لهم



كيف اصير عادية وادا طلعت منهم انساهم



اللي عندها افكار تساعدني