كيف اتعلم ما اتكلم كثير ؟

ياحبيبتي انت تعرفين عيبك !!!
ليش هالغوه ؟؟؟ تهدي ياعمري وماتسوى !!!!
تشوفيهم يستهزئون وتتكلمين ...آني كان قلت لك طيبه زايده عندك..لكن من وضحتي انهم يستهزئون بعد ماعندي كلام نصح ...لان ردة فعلك من استهزائهم أكبر رادع الك !!
لاتنزعجين من كلامي ..أريد مصلحتك ..قبل لاتتكلمي حاولي ان تتذكري خير الكلام ماقل ودل...و اللغوه مكروه كما ورد في كتاب الله العزيز
الله يهدي سرك وان شاء الله تبطلي اللي على قلبك لايكون كله على لسانك ..موفقه

صادقه والله الي على قلبي على لساني

ماعرف كيف امسك حالي والله و في بنات يستغلون هالشي مثل الارقوز و المهرج لهم :(

و احيانا ناس يفهموني غلط يفكرون انا انغز بكلامي او اقصد شي ثاني ما يعرفون انه انا ما اقصد شي بس كل شي فبالي اقولهم بدون تفكير
كانه اي فكره افكر فيها فورا تطلع من فمي
اليوم صارلي موقفين و متضايقه ابغي اعرف كيف اسكت
دايما ياما اكون بلمه الكل يقولي ليش زعلانه او اتكلم بدون توقف ما عندي وسط :(


مره اقول لوحده علاقتنا سطحيه مالبست ايد قصيره لانس نسيت اشل الشعر شوفو القرف هههه والله انا اكلمها كانه اكلم اختي
و هي حامت كبدها ما الومها بعد ما تكلمت انحرجت منها و تحاشيتها

انتي طيبه وعلى نياتك والله يعطيك على قد نيتك كل شي يتصلح
بس الي عليك تراجعين نفسك وتضبطينها يعني
من الان تغيري ابدي من جديد
اللجلسه الجايه احكي على خفيف ماقولك اسكتي لا احكي على خفيف تعليق بسيط اضحكي على شي يستاهل
اقري مواضيع ابحثي بقوقل وراح تلاقي مواضيع كثير مفيده احسن من كلامي
وربي يوفقك ياعسل ...

سبحان الله وبحمده

مافي الا البرمجه اللغوية العصبيه

انتي غيري حالك التغيير يبدا من الداخل

امسكي ورقه و اكتبي اشياء ايجابيه لا تكتبين اشياء سلبيه مثل انا هذره

ولا تكتبين جمل نفي مثل ماراح اقرق
لان العقل الباطن ما يتعامل مع النفي

العقل الالعقل الباطن مثل الكمبيوتر ا نتي تعبينه مثل الوعاء

وهذ من قراءاتي لكتب اتنمية والبرمجه اللغوية

انتي الحين متخذه قرار و خالصه تبين تصيرين وسط

امسكي ورقه و اكتبي كل موقف سويتيه غلط و عيدي اكبيه بنفس السيناريو الي صار

بس عند الغلط وقفي و اكتبي الشي الصح

مثلا جت فاطمه زفتني و زفيتها و سبيتها

اكتبي جت فاطمه و زفتني حطي الحل الصح: و كظمت غيظي و رديت عليها بهدوء

انا اخترعت هالبرمجه و انفعت مع بنت عكسك تماما ما عندها الجراة تسولف قدام احد

امسكت دفتر و عادت كل مواقفها طبعا ايام و شهور اشتغلت على حالها

كل يوم خصصي ساعه برمجي روحك و احسنن وقت قبل النوم يكون العقل الباطن بقمة نشاطه

برمجيه و عيدي كل موقف و صلحيه بحل خيالي ايجابي

ثانيا اقري البقره بنية الاصلاح من هذا العيب و كل العيوب

ثالثا كثري استغفار بهذي النية

رابعا مثل ما قلت لك امسكي دفتر و برمجي حالك ذاتيا لا تكتبين عبارات فيها نفي

مثل ماراح اسوي كذا العقل الباطن ما يفهم النفي

ولا تكتبين عبارات سلبية تحطمين فيها حالك

اكتبي مثلا انا اقدر اتكلم باعتدال

انا ناجحه و اجتماعيه الكلام الموزون حلو و هكذا