كيف اتغلب على الاكتئاب؟؟

السلام عليكم و رحمة الله و بركاته
بنات انا من وانا طفله صغيره مبتليه بمرض الوسواس القهري ومريت ببعض انواعه .. وجاء عمري ١٥ سنه تقريباً وودوني اهلي دكتور نفسي وصرف لي ادويه نفسيه وتحسنت معها الحمد لله .. ولكن سببت لي سمنه وفتحت شهيتي ورجفه وكوابيس الخ فقطعتها بدون تدريج وبدون استشارة طبيب .. ورجع مره ثانيه الوسواس وارجع للادويه ثم اقطعها اذا تشافيت .. قبل زواجي بسنتين تقريباً قطعتها .. وبعد ما مريت بمشاكل من زواجي رجعت لها بنسبه بسيطه واقطع وارجع وهكذا.. واللحين الحمد لله قطعتها نهائي .. لكن احسها مأثره علي من ناحية العصبيه وما اقدر اضبط نفسي .. و اي فكره تطري علي اطير اسويها بدون افكر بعواقبها .. يعني ماش ركود .. وعصبيه مرررررره واحس باكتئاب خصوصاً بعد ما جيت ببيت اهلي و اني على وشك طلاق ومشاكل امي الله يسخرها لي .. تعبت نفسياً احس ماله داعي اشتري ملابس وعطور وكريمات محد داري عني .. وش اسوي كيف اطلع من دوامة الحزن والاكتئاب؟ ولوم الذات .. جالسه الوم نفسي ع تصرفات غبيه .. وتفشل .. احس مقهوره .. وحتى لو طلعت مع اهلي وتمشيت احس مخي مو مع الحياه .. خصوصاً لا قمت الصباح يا الله .. الله يفرج علي احس باكتئاب .. وماغص كني ذابحه لي احد ..
الحمد لله التقرب من الله مخفف هالمعاناه شي كبير..
ادعوا لي بالفرج يا اخواتي