كيف اتغير و ريلي بذيء اللسان و كثير الانتقاد ومايحب جسمي

• السلام عليكم و رحمة الله و بركاته

موضوعي طويل بحاول قد ما اروم اختصره


انا متزوجة من 5سنين و نص الحمدلله الله رزقني بولدين الله يحفظهم
ريلي ولد عمي و كان يحبني قبل لا نتزوج وكان شي كلام يوم كنا صغار ان نحن محيرين حق بعض
فارق السن بينا 4سنين ... اخوي تزوج اخته العوده قبل 15سنه وماصار تفاهم وانفصل عنها قبل سنتين والغلط واللوم كله على اخوي الله يهديه


بدايه الزواج كان يجنن في مشاكل طفيفه بس ما يقدر يزعلني وااايد و يراضيني و هدايا و كلام حلووو... وشوي شوي تدريجيا كل شي تغير بدءا من الحمل والولاده و مرورا بتدخل امه و انتهاءاً بانفصال اخوي واخته.. انا للاسف عشت و لازلت عايشه ويا اهله وباذن الله ولله الحمد ان ربي فرجها علي وبطلع بعد شهر باذن الله بيت لحالي.. امه اللي هي عمتي الله يهديها و يصلحها ماتحب عياله يحترمون حرمته وعياله ويحط لهم قدر..كانت تمنع ريلي منوان يساعدني في شي او يلعب ولده او. اذا كان ياكل و وصخ حلجه اذا نش يغسله تنازعه وتمنعه وتقول عيب انت رياااال حرمتك خل تسوي والموقف تكررجدامي و ريلي فيه عيوب وايد و منها انه ما يوقف مع الحق يوقف مع امه حتى لو هي غلطانه والله ما يرضيه اللي تسويه.. واخته الله يهديها تعبي راسه على اهلي من صوووب لانها حاقده عليهم و يشهد الله ان اهلي حبوها و اكرموها و قفوا معاها ضد اخوي وامي كانت تحبهاا و تمووت فيها ... لين صار ريلي قاطع اهلي و كل مره نتصارب يسب اخوي و اهلي


على فكره هو طيب مرات و ينقص عليه لكن عصبي و انطوائي و انسان ماعنده هدف ولا له بارض ل شي ويطلع حرته ف اي شي فيني اناااااا و ماعنده ثقه بنفسه .. قصير القامه و هذي عقدته
انا عكس تماما اجتماعيه مرحه احب اللمات واليمعات وعندي صداقات وااااااايد و لله الحمد و لي طموحات ابى احققها بس معه انجلب وحده ثانيه..لانه نادر يكون زين اكثر الوقت نكدي مع اني احاول لما يكون طيب اسويله جووو يندمج و بسرعه ينقلب للنقد والجرح والسب ..


الزبده ذبحني اضعفي و اضعفي و ياليت لو بتشجيع او باسلوب محبب
لا يقولي انتي قبيحه مب انثى انتي جسمج ايباد هههههه انتي فقمه و درام


اقوله وانت قصييير و قزم و مكرررررش يقول انا ريااال ما انعاب لو ماوضعفتي بعرس عليج
و انا وزني 75 و لما تزوجني كنت 68
انا ابى اضعف و لي محاولات من زماااان لان عندي زوائد و بطن بي والله ان ما يبين علي هالوزن اللي يشوفني يتحسبني 65 لاني طويله شوي و جسمي تفاحه
انا ماندي اراده ولا عزيمه والله سجلت فالجم خمسين مره ولا التزم وجربت كذا دكتور تغذيه ولا التزمت بس مايأست احاول واحاول واقول ان شاءالله تيني العزيمه واضعف و اكسر خشمه بضعف عشاني مب عشانه بي ماعرف ليش هالريايييل يموتون فالجسم بس
حتى لو الحرمه مب مقصره وياه تهتم فيه و في بيته و اكله وثيابه و حقوقه الشرعيه ... وانا الحمدلله اخاف ربي و احاول ما اقصر معاه بشي و انا اعوذ بالله من كلمة انا جميييله و مهتمه بلبسي و كشختي و ع طول يشوفني لابسه ومتعدله يعن اعرف لو اضعف بطلع احلى بس لازم التجريح؟!؟!؟ لازم كلما نتضارب تقولي اناومتينه ووجسمج قبيح و اشمئز منه... تعرفون اني ماقمت اكل جدامه مووول ما اسلم من لسانه حتى لو اكل ..اللي خلاني اكتب الموضوع كلامه من يومين يقولي غلطة حياتي و انا غبي تزوجتج و و و و ها كله عشتن يباني اضعف؟؟!؟ اناوما رديت عليه خليته يرمس بروحه عقبه بيوم يلس يرمسني عادي و لا جنه عق علي قنابل وانا ارد ع قد الكلام و قلبي تعبان منهر


كل بوم هم و نكد و ضرابه و يفتح موضوع الجسم وانا متينه شو الحل وياااه؟!؟! ياماوحاولت ادخل حد بس ما نفع ابداااا هو منوالنوع اللي يعااااند لوودخلت احد .. والله مرات ادعي عليه من قهري واستغفر لانه لا يطاق بذيييء اللسان والاخلاق تغيرت حتى الصلاه متهاون فيها يصليها متاخر ورمضان عنده سب و قذف فالناس و القران ما جد شفته يقراه من سنه ادري بتقولون بينه و بين الله لكن ان صلحت علاقته مع ربه بيصلح مع الناس وانا كم نصحته حتى ولدي عمره 4دايم يدعي يارب تهدي ابوي و تجعله من الصالحين


ماعنده علاقات وصداقات مكبوت فالبيت ويدور الزلة والضرابه ... خاطري يتغير و خاطري انا اتغيييييير واغير جسمي و اتحمس و التزم لنفسي اولا


سمحولي يمكن الموصوع داخل ف بعض اتمنى انكم فهمتوا علي كيف اتصرف معا