كيف اتقبل امر زواج والدي

السلام عليكم ورحمة الله وبركاته
اخواتي الغاليات سجلت بالمنتدى بعد ماتعبت انا عمري ٢٤ سنة وعندي اخوي اكبر مني ٢٧سنة وخواتي الصغار ١٨ و ٢١سنة توفت والدتي قبل سنتين رحمها الله بعد مرض انتقلنا للسكن مع جدتي ام ابوي في بيت يسكن فيه ٢من عماني وعيالهم الخصوصية تقريبا ٤٠فالمية لكن كان اهون من العيش في منزل يحمل ذكريات والدتي فكر والدي بالزواج بعد سنة من وفاتها طبعاً انتم عارفين برأينا بالموضوع خصوصاً ان والدتي كانت تحب والدي بعد تفكير اقنعني اخوي ان والدي الان ماوصل لسن كبير لكن بعدها الانسان ممكن ينشغل بعمل بدراسة بزواج ولما عارضت قلت مستحيل انشغل عن ابوي قال انتي تقولين لكن ماتدرين رضخت للأمر قبل اسابيع تملك والدي على وحده لا اعلم عنها سوى اسمها لكن المشكلة هنا انا بتعيش معانا بنفس بيت جدتي والجميع قاعد يتصرف من اعمام وعمات ان الموضوع عادي ياناس انا فيني جرح يضايقني موضوع انهم قاعدين يتعاملون مع الموضوع وكأنه اول زواج له وشلون يعاملونه وكأنه شاب توه مقبل على الزواج شلون جدتي متحمسة ورايحة للملكة ومودية الشبكة مع العلم ان امي كانت انسانة رائعة والله يشهد في هذا الفجر انها مو عشانها امي لكن مقدرة جدتي تقدير وعماتي وعماني وجدي رحمة الله عليه ولها مواقف كثيييييييييرة وهم كانوا يحبونها في حياتها جارحني الموضوع لأبعد الدرجات ياناس افهموني انا ماعترضت على زواج ابوي اعترضت على الطريقة نفسها شلون قاعدين يتصرفون والبهجة تغمرهم وغير ان عماتي يقنعوني ان جدتي ماودها بس الشكوى لله وجدتي بنفسها اسمعها اذا كلمت بالجوال تبي تحط عشا وتبي تعزم وتبي تنادي ياناس احترموا مشاعرنا قدرونا صدق الوضع متعب 💔💔💔💔💔💔شلون وحده تجي وتجلس جنب ابوي بدال امي!!دعواتكم لي بالجبر💔💔💔💔💔💔💔💔💔💔💔💔