كيف اتقبل جنس الجنين

السلام عليكم ورحمة الله وبركاته ... مدري شلون أبدأ موضوعي .. بس أنا فعلاً محتاجة اتكلم وافضفض .. وأصلاً ماتكلمت الا لانه وضعي مو عاجبني وانا انسانه اخاف الله ولا اتمنى اكون في يوم جاحدة او ناكره او معترضة على شي ربي كتبه لي .. أولا انا ماعندي اخوات محرومة من اجمل شي في الدنيا وعمري ماغبطت أحد في الدنيا الا الاخوات كل ماشفت اخوات من لما كنت صغيرة اتحسر على نفسي وامي وحيدة امها ماعندي خالات ولا بنات خالات ... وانا صغيرة ابكي عند امي ابغى اخوات وبعد ماكبرت شوي صرت اقول لنفسي بكره تتزوجين وتملي البيت بنات ممكن عوضك من الله بناتك تزوجت وربي رزقني الاولاد الله يحفظهم ويبارك فيهم ويبلغني فيهم واشوفهم احسن ناس في الدنيا .. العام في رمضان قلت يابنت شدي حيلك في الدعاء ولاتنسين انك في شهر فضيل وفعلا طول شهر رمضان طول اليوم وقبل الافطار وفي الوتر وانا ادعي بالبنت السليمة المعافاة اللي تسعد قلبي عندي احلام كثيرة والله لكن البنات اجمل احلامي واكثر حلم اتمنى يتحقق وجلست الين شهر الحج ادعي اربعة شهور وربي كتب لي الحج الحمدلله وحجبت وطول يومي ادعي بالبنت خاصة يوم عرفة من قبل الفجر الى المغرب للمعلومية انا حملي صعب وعندي تكيسات وهرمون الحليب عالي .. دعيت ربي ان الدورة الجاية تكون اخر دورة واجيب بنت سليمة صالحة معافاة وعملت الاسباب اللي يقولوا انها تساعد في انجاب البنت من علاقة قبل التبويض وغسول الخل وكل شي طبقته.. وفعلا بقدرة ربي حملت وكانت اخر دورة فرحت ان الدعوة استجابت ولما سويت السونار طلع ولد الله يجيبه بالسلامة ويخليه واخوانه لي لكن ما اخفيكم حسيت بصدمة وبكيت كثير انا والله ما ابغى تكون ردة فعلي كذا وخايفة ربي يعاقبني احب عيالي واموت فيهم لكن انا في النهاية انسانة ضعيفة وعندي امنيات وموضوع البنات بالنسبة لي نقطة ضعفي من لما كنت صغيرة........ طول يوم يومي احوقل واستغفر لكن فيه غصة في صدري انا ماني صغيرة كبيرة وحملي صعب واتعب جدا من الحمل والولادة زوجي قال خلاص هذا اخر حمل لانه يتعب معاي جدا ..
دعواتكم بظهر الغيب اخواتي
انا كتبت موضوعي حسيت اني ودي افضفض وارتاح