سحابه عابره : بارك الله فيك والله يكملك بعقلك ... والحمد لله انك ما ضعت في متاهه الغربه وكابتها ...وصلت لبر الامان فعلا ان اهم ما يميز الغربه هو الخصوصيه واكرر الخصوصيه ... في بلادنا على راس الزوجين دوشه وناس واهل الزوجين والناس والحياه ... ما اعتقد ان الوحده بتلاقي فرصه تتقرب فيها من زوجها زي الغربه .. سواء استغلتها الزوجه ام غفلت عنها ... اقول كذا لان صعوبه الغربه تعمي الاعين عن مميزاتها وتتحول الى معول هدم قاسي بدل ما تكون اداه للتقارب خاصه بعد تلاشي الضجيج!
ودلع البلد يا عزيزتي رااااااح من زمان ! من يقول اننا احنا بنات البلد اللي كل شي على الشغاله...
الله يجعل ما بينك وبين زوجك عمار اختي وبارك الله فيك.

بلاد العجائب : اللي تمري فيه اعتقد انه طبيعي نتيجه التغيير ... وان شاء الله سحابه صيف وتعدي ... مرت علي فترات ولا زالت امل من كل شيء .يمكن عشان وتيره الحياه وخاصه في فصل الشتا كل شي ( اعتقد يسموا هذا اكتئاب الشتا ) حتى الاجانب يعانوا منه...

bint najd 9 :
عمرك الذي في الغربه لن يعود فلا تفرطي فيه عيشيه لاخر قطره... والله يقرب بينك وبين عيالك وزوجك ويجعل الغربه تقرب ولا تبعد ويجمعك بوالديك وبمن تحبين ... امين

Amena : كلامك بليغ ما شاء الله عليك ... فعلا الغربه هي مكاشفه مع الذات ... فبعض الناس يستسلم لها ويحول حياته الى جحيم ... والبعض الاخر يطور من ذاته ويصنع من الليمون شرابا حلوا ... يعتمد على الشخص بالدرجه الاولى... واهلين فيك

مراااام : عسى الله لا يغير عليك ويجعل ايامك كلها سعاد في سعاده ولا يحرمك اجرك عن اسرتك وعن الاسلام... بالنسبه لرجعه البلد فعلا ما تكوني زي اول : اولا لاننا تعودنا على وضع معين لفتره من حياتنا ثانيا لاننا لم نعد نحن!! وعند بعض الناس استطاع ان يحمل سعادته بين ضلوعه ولا يستمدها من احد!