كيف اثق في نفسي تعبت

كيفكم
يابنات انا ثقتي بنفسي معدومه جدا جدا لدرجة اني اقارن نفسي بالناس واقول ليش انا مو مثلهم 
انا عشت طفولتي كلها واهلي يحطموني ويستهزاون بكلامي وحركاتي مع اني اشوفها عادية بس من كثر مايستهزئون فيني صرت اخاف من ردت فعل الناس اذا جيت اتكلم وكلامي كله مختصر ماحب اطول بالكلام واتلعثم واذا شفت حريم اخواني او خوات زوجي وسواليفهم انقهر وتضيق فيني اقول ليش انا مو مثلهن ماشاء الله عليهم يسولفن ويطولن بالكلام والكل ينتبه لهن اما انا كلمه ورد غطاها وطول الوقت ساكته احسهم يملون مني واذا سولفو مايناظرون كاني مو موجودة والله تعبت ابي اكون محل اهتمام ابي الكل يحسب لي حساب حتى زوجي احيانا يحطمني بكلامه يقول لي خليك واثقه من نفسك دايما صوتي واطي واتلعثم قبل يومين صار لي موقف هز ثقتي بنفسي
كنت بالمستشفى انتظر دوري ووقف الدور علي وطولت الدكتوره مادخلتني وكلمت زوجي قالت ادخلي على الدكتوره وتفاهمي معها ودخلت وقلت لها خلصيني لي ساعه انتظر دوري قالت عندي حالة ولاده وماقدر ادخلك وجلست انتظر وكل شوي زوجي متصل يقول للحين مادخلتي قلت لا لسا قال روحي تكلمي مع الدكتوره خلي عندك شخصيه وتفاهمي معها بالقوه قلت خلاص بطلع طفشت ولما ركبت السياره جلس يهاوش ويقول انتي ماعندك شخصيه لو اني داخل كان خلصت الموضوع ومن قال لي كذا وانا مقهوره من نفسي حتى خواته احيانا يرفعون ضغطي اذا قلت لهم شي مثلا حاجه ماسويتها يقولون لي انتي غبيه ولا لاتخلين احد يلعب عليك  احس كاني بزر قسم بالله طفشت مدري وش اسوي عطوني حل مليت انا قريب بتوظف وخايفه كيف اتصرف مع زميلاتي بالعمل