كيف اجبر الناس على احترامي؟

هلا عيون العالم
بصراحه انتي ما تقدرين تجبيرن الناس انهم يحترمونج غصب بس شخصيتك هي اللي تقدر تفرض احترامها على الآخرين
والحترام ما يجي بفرض الراي والزعيق والضرايب لا بالعكس الاحترام يتولد من المحبه والمعزه عاملي الناس مثل ما انتي تتمنين انهم يعاملونج برقه وحنيه ومشاركه في الامور المختلفه
شكلج مشكلتج مع الاطفال.....شوفي حبيبتي الياهل ما يقدر يوزن الامور ويقدرها ويتصرف بعفويه بناءا على التصرف اللي يحصل جدامه يعني لكل فعل ردة فعل توازيها في المقدار(درس فيزياء)
انتي عارفه انج عصبيه وتبين تتخلصين منها (حلو)ففي اي وقت حسيتي انج بتعصبين غيري وضعج اذا كنتى واقفه يلسي ةاذا يالسه طيحي طبعا هذا الحل الاكيد والفعال في حالة العصبيه وهي من السنه وخذي نفس عميق وفكري انتج ما تبين تضاربين او قومي وسيري اشربيلج ماي بارد مش شرط تتصرفين عند وقوع الفعل اصبري وبعدين اخذي الطفل على جنب وكلميه بككلام يناسب سنه
يعني اي تصرف يجي منه اعرفي انج انتي السبب في ها التصرف.والعناد ماتيب الا العناد
الطفل اخذيه على قد عقله بالكلام الطيب الاسلوب المحبب لهم ......حاولي تحببيهم فيج تيلسين معاهم تسولفين وياهم وتاخذين رايهم وتمدحينهن واستحملي شوي شطانتهم وفي الاخير بتشوفينهم طبيعي ما يبون يزعلونج ومتعلقيين فيج
لا تتوقعين انهم يسمعون كلامج من اول شي لانهم عارفين طبعج وبيعاملونج على اساسه لحد ما يتعودون على الطبع اليديد بيتغيرون من نفسهم
الحلو فيج انج عارفه عيبج وتبين تتخلصين منه وهذا بيسهل الموضوع عليج حطي لنفسج هذف وامشي عليه واعتبري ها الموضوع مشروع صغير وتبين تنفذينه والله بيسهل عليج

مشكوره اختي لردج السريع بالفعل انا مشكلتي الاطفال ديما انفعل من كلامهم
انشاء الله بسوي اللي قلتي عليه

العصبيه الكثير يشتكي منها

اذا بردت اعصابك حاولي تلطفين معاهم وتعاملينهم معامله كويسه بطرق كثيره ومحببه لهم وخليهم ينسون كل اللي صدر منك وقت عصبيتك



الله يوفقك حبيبتي ويسعدك:27:











:26:

احترمي نفسك واللي قدامك وشوفي النتيجة

مع احترامي لكي اختي

ولكن اعتقد بإن جملتكي اسلوبها غير لطيف ابداااااا


السوسن