كيف اجهــــــز للــــمولود ؟؟؟؟؟؟؟؟؟؟؟

مامتو لحمادينو :

انا مادري انتي باي شهر بس احسن لج لا تخلين كل شي مع بعض راح تصرفين وايد وتحتارين شنو تاخذين وشنو تخلين فابدي شوي شوي على راحتج لين تخلصين يعني مثلا ابدي بالشغلات الغالية والثقيله مثل سرير الطفل اللي راح تحطينه حق بعد النفاس بغرفتج واحسن لو يكون كبير يكفي البيبي لي سنتين3 سنين جدام اوفر لج وطبعا مع فرشته وخزانة صغيرة او شفونيرة بادرج للأغراض البيبي بعدين اشتري سرير النفاس حلو لو يكون صغير وناعم وكشخه بنفس الوقت لأن اكيد بيكون حق استقبال طبعا بعدها تشترين الملابس وهي الفنايل الداخلية والبجايم الكامله وهذي اخذي مقاس نيو بورن شوية لا تكثرين لأن الياهل بسرعه يكبر واخذي مقاس من 0-3 اكثر لأن راح يطولون نسبيا معاج واخذي صداري وقبعات ولفات ومهاد وكيس للبيبي وكم دس عشا لا يعور نفسه باظافره وفوطتين ولحافين . جذي تكونين خلصتي من الملابس طبعا اخذي لج جنطة كبيرة للزيارات وجنطة صغيرة للطبيب للمراجعات حق البيبي والتطعيم ولا تنسين حوض الاستحمام وتوابعه من شامبو وصابون وبودرة ولوشن وكلينكس مرطب اخذي فرشة تبديل اللي تجي نايلون وانا افضل تشترين فوقه قطع يصير قطن عشا لا يصير النايلون حار على جسم البيبي واشتري رضاعات اصغر حجم مع حلمات مقاس سمول وفرشة تنظيف وغلاية رضاعات بالبخار أامن واسرع لك من الغلي بالجدر واذا رضعتي طبيعي خلي الرضاعات حق سكر النبات وشاي حبة الحلوه والماء او ممكن تشفطين الحليب من صدرج وتخلينه بالرضاعات حق الضرورة يمكن تكونين طالعه او احد جحاي لك وما تحبين لطلعين صدرج جدامهم وانتي جربي اول الشفاطه العادية اذا ما ارتحتي عليها اشتري الشفاطه الكهربائية اسرع طبعا خل يمج في فترة النفاس سلة شكلها حلو حطي فيها قطن الاذن والقطن العادي ومسحة طبيه وكريم للطفح الجلدي ومشط للبيبي ومقص للأظافر للبيبي وشاش تلفين صبعج فيه عشان تمسحين فم الطفل بعد الرضعه الصناعية عشان لا تتكون الفطريات بفمه ولا تنسين ادوية النفاس من لهوم وحسو وحلبة ومرة تقريبا عطيتج كل شي واذا نسيت شي انشاء الله البنات يقولون لج عنه

انا مادري انتي باي شهر بس احسن لج لا تخلين كل شي مع بعض راح تصرفين وايد وتحتارين شنو تاخذين وشنو...

أنستازيا :

ما شفت الموضوع لكن بحاول أحطلج اللي ايي على بالي ========== فنايل اللي اتيج بأزرار من تحت وانا أفضل الأبيض اللي بدون أكمام --- عدد 4 للمستشفى وأكثر للبيت طبعا تاخذين مقاس new born و 0-3 ماتعرفين شو بيناسب البيبي .. تبانات أو أوفرول بألوان مختلفة ويفضل قطن 100% --- عدد 4 للمستشفى وأكثر للبيت ونفس الشي المقاس نيو بورن و0-3 ولو اللي تكون بريول مسكرة تاخذين حبتين أحسن عشان البرد ياي .. بامبرز مقاس نيو بورن --- كيس صغيرون كبوس أو قبعة للأطفال --- عدد 2 قماط وحبل --- عدد 2 للمستشفى و 5 للبيت تقريبا أبة للبيبي أو صديري --- عدد 2 فراش متنقل أو حقيبة النوم ولو تاخذين المهد بعد وايد أسهل للتنقل أدوات التنظيف من شامبو ورغوة وبودرة وكلونيا الماركة اللي تفضلينها ..أنا أفضل سيباميد .. ولا تنسين تاخذين زيت زيتون أو أي زيت للأطفال عشان التقشير أول الأيام .. عدة الأظافر للأطفال بس بتحتاجينها عقب فترة .. مقياس للحرارة منزلي .. يفضل تواجده في البيت احتياط .. فوط للبيبي مقاس كبير للسبوح ومقاسات صغيرة للتبديل وغيره .. لحاف وفراش للبيبي .. ====================== هذا اللي على بالي الحين .. أتمنى أكون أفدتج .. :42:

ما شفت الموضوع لكن بحاول أحطلج اللي ايي على بالي ========== فنايل اللي اتيج بأزرار من تحت...