كيف اجيب زوجي

السلام عليكم ..
راح ادخل بالموضوع ع طول بنات انا زعلانة عند اهلي مشاكلي انا وزوجي من اتزوجنة قبل خمس اسنين وانا ساكتة وصابرة ع الضرب المبرح حتى العبد مايتحمله وانا حامل يضربني ضرب اتحدا احد يتحمله لدرجة انو جسمي يورم وتغير لونه وصابرة صابرة ع شتمه والفاضة السيئة طبعا كلكم تسألون ليش انا متحملة هذا كلهة راح اقول لكم بس يا بنات لحد تستهزء بي انا احبة احبه رغم هذا كله مااكدر اعيش بدونه فما اتركه ومن رمضان انا عند اهلي هوا جابني زيارة و حكالي بعد لا ترجعين طبعا صارت كثير امور مااكدر اذكرها بعد شهر تقريبا جاء يريد يحط اشروط حتى يرجعني بس ابوي ماقبل حكاله روح جيب عمامك واهلك وتعال نتكلم وبعدين ارجعها لك بشروط طبعا هوا عصب وقال انا بعد ماراح اجي ابد وطلع حتى قبل لا يسلم ع ابوي اسفة كلامي ملخبط بس والله اعصابي منهارة اريد الله يهديه وصلحه حتى يجي يرجعني وارجع له طبعا انا صارلي اربعين يوم ومحد جاء لا هوا ولا اهله
عندي ثلاث اطفال منهة ... انصحوني شنو اسوي حتى يجي يرجعني بشروطي والله انا اندعلي ليل انهار واصلي استخارة واقرة سورة البقرة واصلي ع النبي كله بنيه الله يهديه وارجع له