كيف احافظ على هدوئي جبتها برتاح للاسف صارت نقمه

السلام عليكم
انا ام الاربع اطفال
قررت اجيب خدامه
تعرفون تعب الاطفال ويوسخون وتنظيف
الحمدالله ربي وفقني بخدامه بنت حلال وطيبه
وعندها لغه انجليزيه وفاهمه معروف الفلبينيات اغلبهم متعلمات
جايه تعرف الكل شي حتى الغسالة التوماتيك تعرفلها اكثر مني
مو هنا المشكله
المشكله زوجي
مايبيها تغسل الا مره بالاسبوع
يقول الغسالة تصرف كهرب
وهدومها تغسلها بيدها مالها دخل بشي يخص الغسالة
وهي تغسل اول بأول وهو بس معصب ومنرفز
غير كذا رتبت دولاب زوجي انا وياها اقسم بالله شوي الا ويرجعها المكتب قال ليش ترتبونه انا راضي بحوستي ولا تلمس اي شي يخصني ملابس الرياضه يخليها تجلس اسبوع بدون غسيل و ثيابه عادي يلبسه مرتين وثلاث واربع بدون ماتنغسل يعني زادت مشكالنا وصرت ع اعصابي الله يهديه عندي احساس يبي يطفشني عشان اقول شلها عني وخلني ع وضعي الاول مرات اقول استعجلت وش ابي فيها قبل اكرف وماضرني صدق تعبت لكن الحمدالله ع اجر ومرات اتعوذ من ابليس
الخدامه من جهتها بنت حلال ومالها بالمشاكل والزعل
لكن زوجي واااضح متضايق احس ندم
وكل شوي بتنازل عن كفالتها بتنازل عن كفالها مع انه 24 ساعه سهر بالاستراحة حتى قبل وجودها يجي للبيت بس ياكل وينام يعني لو هو من ذا الرجال البيتوتيه كان اقول مسكين رابطته لكن من النوع اللي برى البيت 24 ساعه
يعني مثال قبل شوي فتح دولابه جلس يدور بلوزته مالقاها عصب بالاخير طلعت تكويها وسواها سااالفه تعبت الله يهدي منه ماتهنيت فيها ولا ارتحت