الحمد لله ياأختي
انا ساكنه بشقه من 6 سنين ولاغيرناه والله لو تشوفي الجدران كيف منصدعه
والحمامات تكرمين كيف حالتها والله ان السيراميك ألي يغطي الجدران انه طايح نصه يعني باين الأسمنت
والله اني انحرج اذا زارني احد من أهلي الأثاث قديم شوي والزوليه مهتريه شوي كل يومين أكنس علشان أشيل الي متفتت من الفرشه وزوجي لا حياة لمن تنادي الله يهديه
الحمد لله على كل نعمه انعم بها الله علينا وياربي تحفظه من الزوال

ويقولون الشعب السعودي مبسوط 
طلعت عن الموضوع من القهر 
الله يفرجها علينا 
والله احيانا اتمنى اسوق عشان ازين كل شي على كيفي الرجال يومهم سنه 

انا عكس بيتنا قديم ومعتق بس احوالنا المادية ماتسمح للاجار او تغير اثاث والمواسير يصبب ماء وحالة

ابغى افهم اللي تقول او يقول اجار يعني انتي تاثثي لصاحب البيت او لك اكيد تاثثي لنفسك واذا خرجتي راح تاخذيه معك انا عن نفسي راح اشتري شئ يريحني سوا اجار او ملك وش الفرق الاثاث له مادة وينتهي مارح يعيش معك طول الحياة حتى البويه لها فترة وتخرب سوا بيتك او اجار

أيوه ياأختي عبير على قولك وانا أتفق معك على ان الأثاث حنا ألي نختاره سواء ببيت اجار او ملك
لكن اذا كنتي مثل حالتي ميته من القهر وأبي أغير لكن زوجي رافض الفكره بحجة انه إجار
الله يعين ويرزقنا ببيوت حنا نأثثها على راحتنا وملك لنا مو إجار