ياقلبي الله يعينك ويسخرلك زوجك

الله يعينك ويصبرك حاولي تشغلين قراءن في البيت يريح نفسك ويجلب الملايكه ويساعدك على تغير نفسيتك واستغفري بنية ان الله يساعدك ويعينك على البيت والزوج والاولاد وحطي في بالك ان الزواج مسوؤليه كبيره ولازم تصبرين وباذن الله ربي مايضيع تعبك ويرزقك الجنه
وطبع الازواج لازم يعصبون وتنقلب نفسيتهم بعضهم يطلع اللي في قلبه وبعضهم يتحمل ويسكت اذا توقع انه بيرجع ويلقى الاستقبال الحلو والبيت النظيف والاولاد مبسوطين ويجي يلقى العكس
بس بإذن الله كلها كم يوم ويتحسن الوضع وحمسي نفسك خليه يتفاجأ بالتغيير عند رجعته الجايه
واكرر القرآن رااااااحه ويعطيك طاقه عجيبه واذا تحبين الاناشيد حملي لك كم انشوده واستمعي لها بعد القرآن
وبالتوفيق بإذن الله

سمي بالله .. واول شي اقري سورة يس
بعدين قولي توكلت على الله
وشغلي القران في بيتك وعلي على الصوت
وتكشخي او تروشي وتعطري
عشان تزين نفسيتك وتنفتح نفسك
بعدين ابدئي نظفي شوي شوي
حتى لو تسوين لك جدول
كل يوم تسوين كذا شغله لمن تخلصين
وزوجك امسكيه على جنب وقولي له
المفروض تقدر اني مريضه
وكذا .. واذا قدرتي تجيبي شغاله
بالساعه تساعدك يكون كويس
وبخري البيت وعطريه
تتغير نفسيتكم .. وكمان
خلي عيالك يساعدونك
واقري الاذكارررر
واستعيني بالله قلبي معاك
الله يعينك ويسخركم لبعض

أولا
أنصحك تكثري قول
سبحان الله والحمد لله ولا إله إلا الله والله أكبر
ثانيا
الدعاء
الدعاء
الدعاء
تأثيره عجيب ادعي ربي يحنن قلبه عليكم
ويرفع همك ويزيل غمك

الله يشفيكم يارب
نصيحتي اول شيء افتحي الشبابيك عشان التهويه
و الغرفه اللي تجلسو فيها نظفيها و كنسيها
و بكذا ترتاحي نفسيا ان المكان اللي جالسه فيه نظيف و الباقي كل ما خفيتي قومي سويلك شغله و ارجعي ارتاحي