كيف احب زوجي

كيف الحال اخواتي ان شاء الله بصحه وسعاده
بدخل بموضوعي ع طول من دون مقدمات مع اني ترددت لكن بالاخير قلت مالي الاخواتي نستفيد من تجاربهم..
مشكلتي زي ماهو واضح بالعنوان كيف احب زوجي.....ماادري كيف اوصل لكم انا احس بجفاف عاطفي ناحيه زوجي احس اني مااحبه لكن ودي احبه واعشقه,,موبيدي ودي مايجلس كثير بالبيت اذا جاء يقرب ممني احس بنفور,,,الحين صار لنا تقريبا 6سنوات متزوجين مااقولكم حياتنا قرف لا بس عادية روتين مملل,,
وحدة من قريباتي قالت لي والله فلان للحين يتحسر عليك..هذا الرجل كان خاطبني اكثر من مرة لكن مافيه عيب لكن ماهو نصيبي...وبنت خالتي من تزوجت وهي محاربتني ,زوجها كان خاطبني قبل ورفضت ثم خطبها ووافقت ولاحظت صدها عني وسألت اختها ليه صاده فقلت انو تعتبرني مثل ظرتها!!!!تقول اكيد بيني وبين زوجها علاقه وانا الحمدللله بريئه..انا ياخوات لاحد يأخذ كلامي هزلا انا والله مو ذاك الجمال لكن يمكن لي قبول مادري لكني مو اجتماعيه,,
قعدت اوسوس قلت ليكون الضيقه بسبب نفس..فقلت النفس تمنع الحمل وانا الحمدلله اموري كويسه..قلت نأخذ بالاسباب وسمعت لي كم يوم رقيه السدحان مااحس بشي بس انو انام لمن اسمعه وارتاح...

فان شاء الله مامن نفس...لكن اكيد من الشيطان يبعدني عن زوجي ويخليني اركز ع العيوب اكثر من الميزات
هل يحتاج لي دكتورة نفسيه تساعدني..هل للثقه بالنفس علاقه؟؟لان ثقتي بنفسي ضعيفه...

يااخوات فيه احد مثلي...كيف اعدل من نفسي ..؟ كيف اعشق زوجيي؟؟؟ كيف انتظره بشوق؟؟؟
هل معقول الحب مو موجود بس بالخيال والمسلسلات؟؟؟اقول يمكن اطفالي شاغليني ..لكن من وانا عروس مااحس بالشوق..او يمكن قليل نبعد عن بعض...
ساعدوني بتجاربكم لاني والله احيانا افكر بالانفصال اخاف اظلم الرجال معي