أحتي الحلم الحزين

يسعدني انه أول مشاركة لك تكون في موضوعي

أهلين فيك ياقلبي

شوفي حبيبتي مع ان زوجي فيه تشابه كبير من زوجك لكن راح اعطيج رايي وانشالله يفيدج

انه كنت في كل مناسبة اذبح عمري وهو لا هو هنا وبالنسبة له كانت تمر علينا مناسبات وهو خبر خير فقمت شاسوي فترة جتني طنشت المناسبات وصارت تمر ولا افتكر فيها وبعدها رجعتها بافكار غريبة وصار في تحسن بحالة زوجي <<< خخخخخ

وانشالله زوجك يستجيب لافكارنا

المهم في اليوم الموعود

اول شي اتسوينه اقطعي واير الدش من الكهربا او احذفي قناة الجزيرة المهم سوي اي شي يقطع الارسال عشان تلوع جبده من البيت وما عنده عذر يقعد بالبيت << القسم الاول من الخطة

بعدين اشتري حركات رومنسية مثل ورد بالونات وشموع وعطيها اختج او احد من هلج

وبعدين تبتدين بالشغل على نفسج اعتبري نفسك عروس سنفرة من فوق لتحت ابيج تلقين من النعومة وطبعا لاتنسين شعرج شوفي الشي اللي يعجب زوجك بالنسبة للشعر والمكياج

بعدها الهدية اشتريها مع بطاقة تكتبين فيها كلمات حلوة

طبعا الصبح وهو بالدوام ترسلين له مسج بهالمناسبة وحاولي انه يكون مميز

وبعدها انتي طبعا راح تكونين بالصالون وقولي له ان عندج عرس بهاليوم عشان تصير مفاجاة له
لما يرجع خلج مربوشة كانج تجهزين للعرس وروحي سيارته وبخريها وحطي الهدية بالسيارة مع الكرت على كرسيه

وقولي له ان احد من هلج راح ياخذك للعرس وتجهزي واحجزي بالمطعم وخلي احد من هلج يمر عليج ياخذج المطعم وخلي واحد من اخوانج يتصل على زوجك اول ما تطلعين ويقول له انه يريده في موضوع ضروري ويقوله تعال المطعم الفلاني <<< ادري صار فلم هندي

وطبعا اول يركب سيارته راح يتفاجا بالبخور والهدية واول ما يدخل المطعم راح يشوفك وتتعشون وتستانسون ولما تكونين بالمطعم خلي اختج او قريبتج تزين البيت وتبخره وتزين غرفة النوم واول ما ترجعون راح يتفاجا <<< بس مسكيه مسكين طايحة له مفاجأت

اووف تعبت اكمل او لا


يلا راح اكمل عشان خاطر عيونج


طبعا لازم تكونين مجهزة قميص نوم غير شكل وخبرج حركات الليل خخخخ ولا تنسين كريمات الجسم بو ريحة والعطور والبخور

وبعدها تصبحون على الف خير وانشالله كل عام وانتي بالف خير وصحة وسعادة

اختي لحن للقمر

انتي ألحين سويتي كل الحركات ومافي فايدة جربي انك تطنشي ولاتسوين ولا شي ولا تفتكرين في هالمناسابات واذا انفكت عقدة زوجك وسألك قولي له مافي داعي لهالحركات طالما تشوفها انت تفاهات وقولي له آنا بعد أشوف انها مالها داعي يمكن تفيدك هالطريقة وياليت عندي شي أساعدك فيه بس بحسب خبرتي ان بعض الرجال يجي بالتطنيش والأهتمام الوسط أو غير المقصود .

تحياتي

mooolaaa
إن شاء الله اسوي حركاتك يافلة

جوزيت خيرا


البسكوتة

بموووووووووووت قهر لو ما سويت شي

عزيزتي .. عن جد الله يعينج .. :24: ...

حاولي تكتبين مشاعرج وكل اللي تتمنينه منه في ورقه .. وخليه يقراها و انتي بعيد عنه .. مثلا روحي بيت هلج ..

لأن ممكن الكلام ما يوفي مثل ما تكتبينه .. وإنشالله مشاعره تتحرك .. ويفاجأج بحركه رومنسيه ..

والله يوفقج:26: