كيف احط باسوورد لأريكسونW20؟ وشوفوا خدمة الاتصالات الجديدة(آفاق وايرلس)

السلام عليكم ورحمة الله وبركاته


أوّل شي بقولكم عن خدمة جديدة تقدمها شركة الاتصالات السعودية للأفراد اللي طالبين الدي اس ال من زمان وماوصلتهم

هذي الخدمة اسمها : آفاق واير لس


وهذي نبذة بسيطة عن الخدمة :

السرعة : 1.5MB
التقنية المستخدمة : HSDPA 3.5G
الجهاز المستقبل : ERICSSON MODEM
التكلفة الشهرية : 299 ريال >>> يابلاش :42:
رسوم التأسيس : مجانا



سيتم اعطاء المشترك مودم اريكسون به شريحة مرفقة خاصة بالانترنت فقط .



شروط توفير الخدمة للعميل :

- أن يكون تحت تغطية الجيل الثالث .
- ان يكون على قائمة الانتظار في خدمة dsl ولا يمكن خدمته الا بعد 8 او 6 أشهر فأكثر .

-لا يمكن خدمة مجموعة كبيرة من العملاء في حي واحد حتى لايتم ضغط الشبكة ولضمان جودة عالية للخدمة .

- لا يمكن للعميل ان يتصل على خدمة العملاء ويطلب هذه الخدمة ، بل سيتم الاتصال على العملاء من قبل شركة الاتصالات التي ستقوم باختيار العملاء بحسب من هم جلسوا فترة طويلة على قائمة الانتظار .

******* ******* ******* *******

نجي لمشكلتي

الله يسلمكم المودم مافيه زر استطيع من خلاله ايقاف او تشغيل الاتصال اللاسلكي (الواير لس)

وانا أشبك بجهاز مكتبي (يعني بالكيبل وليس بالوايرلس)

وكثييييير ينقطع الاتصال واحيانا يصير بطيء
ودايما السرعة عندي : 100 ميغابت ومو مثل مايقولون MB 1.5
وما استبعد ان نص الجيران شابكين معي :o

والموظف لما جابلي المودم قال ترا الرقم السري : ******** وأغلب الناس يعرفون هالباسوورد .. لذا الأفضل لو تغيرين الباسوورد

لكن اختكم الفقيرة الى الله ماتعرف من وين تغير الباسوورد >>>> مع إني والله حاولت قبل ما اكتب الموضوع بالمنتدى ! بس محاولاتي باءت بالفشل

واذا ماعليكم أمر بقولكم كيف اشبك النت .. وقولولي اذا طريقتي صحيحة او لأ .. اوكي ؟


أول شي اروح لـ (اتصالات شبكة الاتصال )
وبعدين كليك يمين على (Local Area Connection)
وأخيراً أختار ( تمكين )

ولما أخلص .. اسوي نفس الخطوات لكن بآخر طوة اختار ( تعطيل)


واليوم جرّبت من خصائص - خيارات متقدمة - واخترت (جدار حماية اتصال انترنت) <<< ينفع ؟!

ومن الأساس ما اعرف كيف أضبطه من الخصائص .. اشوف كل الخيارات جنبها صح .. وانا ماني عارفة ايش اللي اخليه صح !! وايش اللي اشيل من عنده الصح !!


ادري ان هذرتي كثيرة .. وادري إني وسيعة وجه :( اسئلتي ماتخلص :09:


لكن مو مهم تجاوبون على الكلام اللي كتبته فوق :icon33:
أهم شي تجاوبون على الإستفسارين اللي تحت :35:

!! طريقتي في الاتصال صحيحة ولا خاطئة ؟
وبلييييييز لاتنسون كيف تعلموني احط رقم سري للوايرلس او الدي اس ال ؟! والجهاز هو : ERICSSON W20 ... ومثل ماقلت ترا الجهاز مافيه زر تشغيل او اغلاق !!

وجزاكم الله خير مقدماً :26: والله يبلغني وإياكم رمضان ويتقبل صيامنا وقيامنا .. اللهم آمين