كيف احفظ ابني..التفكير فجر مخي

السلام عليكم ورحمة الله وبركاته
كيفكم صبايا

بدخل بالموضوع ع طول..تعبانه من التفكير والوساوس

عندي ولد عمره7 سنوات من ذوي الاحتياجات الخاصة

ويدرس واموره تمام..والله يقر عيني بشوفته باحسن حال

كان ابوه المحترم..يصله المدرسه. .وياخذه نهايه الدوام..وانا مرتاحه ومطمنة ع ولدي

المشكله ...ابوه طنقر وطفش من قومت الصباح وقومت الضحى ..وقال ماعاد انا بموصله..انا طنشت الموضوع...ماصدقت..يتجراء ويتخلى عن ولده المريض ويتكله ع خلق الله

اليوم الصباح سمعت صوت باص واقف ع الباب..وقالي جهزي الولد...هذا باص خاص ينقل الولد ...انا لا شعوريا لبست عبايتي..ودخلت الباص...وطلعت ورحت لجهة السواق...وفتحت الباب...وقلت من انت...وش جنسيتك..ووين محرمك....ما ادري كيف طلع هالكلام من فمي

وعلامات الاستفهام ع وجه السواق..
قلت تيسر...مانبيك توصل ولدنا...واصك الباب
وادخل وتهاوشت انا وزوجي وتلفظت عليه وانهرت..وقلت ياليت ربي خلقك حرمه...كيف تأمن الاغراب يوصلون ولدك اللي مايعرف يشكي..ولا حتى يدافع عن نفسه

ماقريت سالفه بنت الروضه...ماقريت ..بنت المصعد..وغيرها كثييييير 

بنات  انا بهم...بهم ع ولدي

ذبحني الشك بهالسواق..خصوصا انه ياخذه اول واحد ويرده اخر واحد

التفكير والوسواس جنني...
كيف احمي ولدي...كيف احافظ عليه من الاعتداءات..خصوصا انه ضعيف ومريض
افكر جديا افصل ولدي..واجلسه جنبي بالبيت...ع الاقل يرتاح قلبي

وابوه...يلقى جزاءه ع استهتاره باذن الله