كيف احل مشكله نفسيتي

سندس و مسك :

السلام عليكم ورحمة الله وبركاته خلي همك اخرتك ورضا ربك ترتاحين كثير هم كذا الناس زوج ، صديقات ، ابناء ، اقارب .. لهم طباع وفيهم صفات طيبه وفيها اشياء تكرهك بعيشتك منهم لو تجلسين فاضيه شوي ، تلاقين نفسك انشغلتي بهم .. لان ( اهم شي عندك نفسك ) تنغمّين وتتنكدين ، ليش قالوا ..؟؟ ليش سووا؟؟..انا صح؟؟ ..خل يعتذرون ؟؟ ..خل يقتنعون ؟؟ دووووووشة راس ماتخلص .. لان ( اهم شي انتي ) هم عندهم ( اهم شي انا ) وكل واحد وطبعه ، اللي عنده عزة نفس ( مااعتذر ، مااعترف ، مااسوي ،ما ...ما..ما...الخ ) و دووووووشه هم بعد وماراح تخلص مشاكل الدنيا وماراح يخلصون الناس من التعب من بعضهم اذا كان ( اهم شي ربنا ) صرنا نعرف انهم غلط وحنا صح ( ونعفو ونصفح ونسامح عشان الثواب ، وعشان مانفتح للشيطان بينا مدخل يجينا الشيطان يوسوس : سوالك ..قالك ...الخ ، لاقينك سديتي بوجهه الباب وتعوذتي من الشيطان اذا كان ( اهم شي ربنا ) سدينا باب المشاكل من الاساس ، لانها تسلب طاقتنا وتشتتنا بعبادتنا .. وماتخلينا نتعبد الله في ازواجنا بالبشاشه و ( اذا نظر اليها اسْرّته ) كما ينبغي والنفوس مشحونه نتغاضى كثير ونتغافل ، ونمشي الحياة وحنا مبسوطين مانزعج انفسنا بعيوب غيرنا ، وسؤ خلقهم ، وماندقق على كل التفاصيل وهذا السر ، كلنا نعرفه على فكره ..🙊💗 ان رب العالمين لابد يكون اول اولوياتنا حتى تطيب لنا حياتنا✨ لكن شوفي من يعمل بهالسر ؟؟ من يتنعم ببركته ؟؟ كلنا نقول : ربي من اولوياتي ورضاه ، لكن شوفي من اللي لا اذن طارت تتوضا وتصلي ؟ ومنهي اللي جالسه على جوالها تدردش بقروبات الواتس !

السلام عليكم ورحمة الله وبركاته خلي همك اخرتك ورضا ربك ترتاحين كثير هم كذا الناس زوج ،...