كيف اخليها تغير رايها ؟ 😭

مرحبا
يابنات الله يسعدكم ويفرج همكم عطوني حل لمشكلتي
ومشكلتي يمكن تشوفونه سخيفه لكن ورب الكون اني تبهذلت وماانام الليل من الهم وكل شوي اصيح ، انا بنت موظفه كل شهر اعطي امي من راتبي الف واذا جينا نتعشى من المطعم انا اشتري والحلويات اذا جينا بنطلع لناس واشتري لاخواني الصغار خرابيط من البقاله ،يعني احب اشارك اهلي براتبي ، مشكلتي الحين امي صارت ماتاخذ مني ريال وبالعيد قلت بشتري شوكولاته قالت مانحتاج مانبغى منك شي وفيه امثله لاداعي لذكرها
السبب راح اقولكم ايش
انا بوظيفتي اروح بنقل بعدين رفضض يشيلني صرت اروح بالنقل حق الشركة لكن يجيني بدري مرررره قبل الفجر
انا قلت بروح مع نقل ثاني وامي ماادري ايش جاها وغيرت رايها وشالت فكره النقل الخاص من راسها ورفضت رفض تام
وانا اصريت وزعلت ماتكلمني يومين ، انا شفت امي زعلت قلت خلاص بروح مع حق الشركة واتحمل المهم امي قالت خلاص جيبي رقم النقل اكلمه ورفضت انا قلت خلاص ماابي
هي تحسبني اعاند وانا اصلا طاب خاطري
قلت ماابغى ادفع للشركة وادفع للخاص خليه بدايه الشهر الجاي
قالت ماعليك انا ادفع بس افتك منك، ورحت مع النقل
المهم جاء نهاية الشهر ودفعت امي ورفضت انا قلت انا ادفع
ودفعت ومن بعدها وهي صارت ماتاخذ من راتبي ريال




انا يابنات تعذرت لامي وسامحتني لكن مازالت رافضه تاخذ ريال مني خلالاااااص
جيت بناقشها قلت له يمه تكفين لاتصرين على قرارك انا اتعذب كذا
وش فايده راتبي مااستفيد منه كذا
وماكملت كلامي الا هي معصبه وتصيح وتقول انتي تدورين المشاكل جايه تناقشين
انا يبنات ماادور المشاكل بس صعبه اسكت كذا طول عمري انقهر وكل مااشوف فلوسي اصيح ، واذا جيت اناقشها تبكي وتقول وخري عني مااتحملك لاتناقشين اسكتي
للمعلوميه امي حامل وانا اتوقع عصبيتها من الحمل
لكن يابنات كيف احل الموضوع وربي اني ضايقه بي الدنيا مستحيل نستمر على هالنظام ، لاني هي ماحرمت نفسها وبس
كذا انا انحرم لاني احب اشتري لاهلي اشياء نادرا مااشتري شي خاص فيني زي ملابس مثلا لاننا مانطلع كثير


تكفون ابغى طريقه غير النقاش يحنن قلبها علي وتغير رايها
فكرت اهديها جوال مفاجاه بس اخاف تردني وماتخذه وينكسر قلبي
تتوقعون فتره بس ؟ والا ناويه كل عمرها كذا
وش رايكم يابنات اهديها جوال
والا عندكم افكار ثانيه