ياقلبي بناتك ناقصهم الاختلاط سجليهم بدورات بعد المدرسه مثلا بنادي رسم او شي كذا خليهم يختلطون بالناس ويعرفون كيف يتصرفون مع الي بسنهم عشان تقوا شخصيتهم اكثر والله يخليهم لك يارب ويبعد عنهم اذيه الناس

عطيهم مساحه كبيره من الإعتماد على النفس كل واحده بما يتناسب مع عمرها

مثل لبس ملابسها تمشيط شعرها

الإستحمام أحيانا

ترتيب الغرفه


إذا كنتي إنتي تستلمي كل زمام الأمور وكل شي يخصهم من إلى تنتجين بنات إتكاليات ضعيفات مايقدرو يسوون شي بدونك



أأمريهم بهدوء

حبيبتي جيبي لي ماء

حبيبيتي وزعي الملاعق على السفره

يعني عطيهم أعمال يسوونها وخلك صبووووره إذا ما سوو نفس الشي أو الشكل اللي طالبه مشيها وعديها



خلهم يتكلمون ويسولفون لاتسكتينهم خصووووصا عند الناس



حاولي إذا عندك جارات كويسات تنادينهم البيت

لأن الضيوف دخلتهم وطلعتهم تهيء الطفل للناس والتعامل مع الناس

وخلهم معك لا تحذرينهم مايقربون من عند الحريم



هذا اللي عندي والله يوفقهم

*

...........

اذا جيتي بتعلمينها على شي لاتقولي لها فلانه احسن منك تسوي كذا هذا يحسسها بنقص ثقتها بنفسهه
لا تعاقبيها امام الناس
تكلمي معاهم كثير وامزحي والعبي معاهم شويات

التلفزيون ما يربي يا اختى وشغل البيت ما ينتهي لكن المهم عيالك ماقولك اهملي بيتك لكن خلى الشغل الكبير بعد ماينامون او يقيلون او يكونون بالمدرسه
الحياء مو ضعف شخصيه ولا تحاولين تبعدينه عن اساس شخصيتك بناتك وقوة الشخصيه تجي بالقدوه يعنى انتى كيف ثباتك على مبادئك كيف سيطرتك على شخصيتك النصائح اللى تنصحينهم طبقيها لانهم بياخذون فعلك مو قولك
وبنتك اللى ماتبغي تهاوش البنات واضح انها رقيقه وحنونه هذا الشئ زين لكن علميها كيف تحب نفسها وتحن على نفسها قبل توجه هذي العاطفه الجميله للغير لان نفسها عليها حق لازم تحفظ لنفسها كرامتها وكبريائها وتحط حدود للتعامل
وتنتبهي من النلفزيون ترى هالايام مامنه الا الشر وقلة الحياء والافكار الشاذه اختى تجلس مع عيالها تشوف الافلام وتحرمهم من بعضها اذا فيها فكر هدام
اقري فى كتب تطوير الذات وبناء الاسره وحاولى تطبقين لو القليل المكتبه مليانه وعليك بالدعاء وربك الحافظ