كيف اخلي بنتي تنام بدوووووووون هز وشيل

السللام عليكم اخواتي وحبيباتي

سيق ونزلت موضوع عن بكاء بنتي قبل النوم والحمدلله دحين خف مرررررررررررة احسن من اول :)
الله يحفظها عمرها الان 6 شهور المشكلة انه بنتي من يوم ولدتها اهلي يشيلوها ويهزوها حتى وهي نااااااايمة

وكنت اقولهم خلوها لاتعودوها على كدا محد كان يسمعني:angry2: مرررررررة تعبت ديك الفترة هما فرحانين فيها بس انا ماكنت اباها تتعود عشان انا اللي باتعب معاها بعدين

في الاخير استسلمت وصبرت ورجعت بيتي الحمدلله وصرت اعاااااااااني من بكااااااااااءها وكنت رجعت للدوام فكان ابوها يشيلها تقوم تسكت فصرنا بس نشيلها عشان تنام وننام احنا شويتين:(

ما ابى اطول عليكم المهم بنتي دحين ماتنام الا اذا شلتها وهزيتها بشوويييييييييش طبعا عشان لايضرها لاسمح الله كنت اول احطها عالكرسي الهزاز بس احسه غير مريح وعندي الكهربائي بس ما بدي اجربه لانه لو عودتها عليه وكبرت وماصار يناسبها باتورط


حاولت اني ما انومها وقت تزن صرت الهيها والعبها لحد تنام منن نفسها لكن مستحييييييييل
في الحضانة لما اوديها الحاضنة تعمل زي كدا تقريبا ولما تتعب ترضعها وتنام

انا حاولت في الايام اللي ماعندي دوام فيها اني اخليها تنام من نفسها بس ماقدرت احيانا ترضع وتنام واحيانا اهزها شوية وتنام

المهم انا ابغى بنتي تنام من نفسها بدوووووون هز اباها تبطل هادي العادة صرت ما اروح لاحد عشان دا الموضوع وجاني التهاب في وتر يدي اليمين من الشيل الكتير وليا شهر وما اتعافيت لانه مافي راحة الحمدلله على كل حال

الله يسعدكم اللي كان ولدها او بنتها زي بنتي ولاقت طريقة تقولي الله لا يحرمني منكم واسفة طولت عليكم:26: