رفع

الله يجزى كل من ردت علي الجنه يارب العالمين

لكن مشكلتي الكبيره واللي مو لاقيه لها حل الى اليوم صار عمرها سنه وشهرين ولااااااازم تصحي كل شويه بالليل عشان الحليب طفشتني

انتي عشيها وشبعيها ..وقبل ماتنام شربيها حليب... وصدقينيان شاء الله راح تقل قومتها وطلبها للحليب ...:)

انا باذن الله ناويه اخلي بنتي تنام لحالها بغرفتها بس لما تكمل السنتين .. بس المشكله الكبيره انها ماتنام الا لما تلعب بشعري وبحاول اخليها تبطل هالعاده مع انها مريحتني تنام على طول !!!

الله يسااعدك

والله أنا ودي أطلع بنتي هالأيام قبل ما يجيني المولود الثاني وتصير غرفتي حضانة

المشكلة الغرفة صغيرة ما راح تكفي
وانا ما يقوى قلبي أطلعها :(

يالله الله يعين ياااااااارب.. ولا يحرمنا منهم

أنا حاسه فيك كثير،، لأن ولدي عمره 9 شهور ونفس المشكله لكن إذا تبغين الحل لازم تقوي قلبك لأن الطريقه إلي راح أقولها لك أنا جربتها وكانت نتيجتها ممتازه،،لكن للأسف أنا مااستمريت لأن يبغالك تفضي نفسك اسبوع أو اثنين بالكثير بدون سهرات
أنا كنت محدده وقت النوم ووقت الأكل والغفوات، آخر غفوه ياخذها قبل 7 المساء بعد مايصحى نلعب شوي بعدين أعشيه ويكون شي ثقيل عشان مايجوع بسرعه حتى لو سيريلاك ممتاز،،، بعدين يجي وقت الإستحمام ولازم يكون ممتع لعب وبوسات ووو
ويستحسن بعد الحمام تسوي مساج أنا أستخدم (كريم بيبي جونسون قبل النوم) لأنه بالافندر أعتقد فيساعد على الإسترخاء،،، بعدها تلعبوا كمان شوي لأن فترة قبل النوم لازم تكون طافحه بحبك،،،
جاء وقت النوم،،، تحطيها في سريرها وتعطيها الرضعه وتبوسيها وتقوليلها وقت النوم وتشغلي نفسك بأي شي في الغرفه أنا مثلا أقعد أشوف المكيف درجته زينه أو لا،، يفضل تكون الغرفه مايله للبروده وفيها نور خفيف،،،،،، بعدها اطلعي من الغرفه إذا بكيت عادي استني شوي وروحيلها لااااااا تشيليها ولااااااا تكلميها بس قولي اششش ومسحي على ظهرها ولو وقفت مدديها زين ولحفيها واخرجي،،، كل ماتبكي ادخليلها بس خلي المده بين كل دخول والثاني أطول شوي أنا في البدايه ما كنت أقدر أطول أحس بتأنيب ضمير بس أشجع نفسي و أقول عشان مصلحته،، المهم إن الرساله إلي توصلها إن وقت النوم نوم ومافيه اهتمام زي وقت النهار،،،، ولااااتقولين تقوم لأنها جيعانه الطفل من عمر 6 شهور إذا اعتمد على الأكل يقدر ينام طول الليل بدون رضعه بس أنا كنت الفجر أعطيه رضعه صغيره بس..
المهم لو استمريتي على هذا الحال أسبوع أو اثنين راح تنام بنتك طول الليل بدون ماتصحى لــــــكن لا تسوين زيي أنا بعد مابدأت البرنامج هذا اضريت اني أطلع وأتأخر في الرجه للبيت كم يوم وخربت كللللل شي،، ولاتكون غرفة بنتك في النهار كلها نور أو حطي عازل عشان ماتصحى من طلعة النور،،،،، أنا عارفه إن كل إلي راح يقرأ كلامي راح يقول قلبي قاسي لكن بالعكس لأني أحبه أبغا أساعده ينام طول الليل بهدوء لأن نوم الليل مهم كثير له.... أنا حاليا أنتظر أركب عازل في غرفة ولدي عشان أرجع أطبق البرنامج والله يعينني على البكاء هههه،،، بالنسبه للإستحمام راح يصير شي أساسي لبنتك يعني على طول تسويه لها لأنها راح تفهم من خلاله إن وقت النوم قرب... على فكره هذي الطريقه راح تلاقيها في الكتاب الأكثر من رائع (المربية المثالية سوبر ناني) في جرير،،جدا ممتاز وفي حلول كثييييير حتى الأطفال الأكبر لهم طريقه عشان يتعودوا ينامو لوحدهم. وبالتوفيق لكل الأمهات