كيف اخلي زوجي انسان ملتزم ؟؟؟؟

السلام عليكم ورحمة الله وبركاته ...
شخباركم جميع ...
عساكم بخير وصحه وسلامه ...
في موضوع هامني بدرجه ماتصورونها ....
وهو كيف اخلي زوجي انسان ملتزم بكل الكلمة من معنى ....
معظم وقته فالشغل ويوم ايرد من الدوام يريد يرتاح ....
ماعرف كيف ااثر عليه ؟؟
ماحبيت في بداية حياتنا اضغط عليه احاول اقوله قصص مؤثره واختصر قد ماقدر
طبعا هو يصلي بس لظروف شغله ممكن ياخر بعض الصلوات .. وهالشي مب بأيده
بس بعد اريده يصلي كل الصلاوات في وقتها حتى لوكان فالشغل وعنده اجتماع ...
وفي شغله ثانيه انا ماسمع اغاني وهو عادي يعني مرات يوم نكون فالسياره
يحط على الاذاعه يسمع برنامج معين تمر فيه كم اغنيه احاول امسك نفسي
واطنش بس مرات انقهر وعادي ابند الاذاعه ....
دايما ادعيله بالهدايه .....
واتمنى منكم تعطوني حل الله يرضى عليكم ...
لاتنسون تدعون لزوجي بالهدايه وانه يلتزم ويسخره لي ويسخرني له ويرزقنا بالذرية الصالحة قريب يارب ...
والله محتاجة لدعواتكم الصادقة ويزاكم الله خير الدنيا والاخره ....
:26: ....