لا حبيبتي ونة خفوق انا اللي اعتذر على اسلوبي الظاهر طلعت اللي في خاطري فيك ( السموحة والعذر منك )

بصراحة انا ما اقدر اسوي مثلك ماشاء الله عليك

ما اقدر اني اكافئه على اهماله لي بايتسامه حتى لو نمت زعلانه ما اكون وحدي خليه يحس بالقهر مثلي ونفسيته تتعب مثلي

ليه اعاني واكبت وحدي وهو الوناسه له

ليه يناظر اصحابه كل ليله وما يناظر بيته ليله ؟؟؟!!!!!!!!!
حبيبتي لو قابلته بوجه بشوش بيقول هذه ما همها اني اسهر بره عادي ويكبر المخده اكثر ويمكن يبيت عندهم

وترى فيه رجال يراجع حساباته ويخفف سهر مثل رجلك ........ لكن مثل اللي عندي ما ينفع معه الا ترك البيت عشان احسسه بالعزوبيه صحيح لان انا موفارقه معي كذا كذا عايشه الوحده والعزوبيه

واشكرك على سعة صدرك وردك الذي يدل على مدى تفهمك عمق المشكلة واكرر شكري وتقديري

كلام ونة خفوق نفس اللي صار معي 100%
وانا معها بكل حرف قالته 100%
سبحان الله وقسم بالله نفس حالتي ووضعي,, كنها تتكلم عني بالضبط

الظاهر ان ردي الاول كان مثل وجهي ,, على شا كذا بأعيد صياغته ولا احد يزعل مني
شوفي يالغاليه (كل الحنان)انا زوجي نفس زوجك بالضبط مع اختلاف بسيط انه مايتعدا
12 الايام العاديه و 1 ايام الاجازات ,, ولا كلمته ولااعترضت يقول لي مالك علاقه ولا
تدخلين باللي مالك فيه ومهو شغلك ... الخ ,, اول كان يطلع مرتين بالاسبوع بعدين
ثلاث وبعدين يوم ورا يوم واخيرا صار يوميا ,, عاد انا طقت كبدي من هالحال ومثلك
ماكلمه واصارخ عليه واقاطعه وماطبخ له بس تصدقين ولا همه وماشي على برنامجه
بالاخير تركته على راحته ,, يسوي اللي يبيه هو حر ,, وجلست معه بنقاش جاد وقلت
له سو اللي تبي انت حر وانت رجال ومدري وش بعد ,, المهم وقلت له اني انا وعيالك
لنا حق عليك ولازم تمشينا وتمشيهم ومحتاجين لك .. وقمت ازعجه كل يوم لين تغير
تغير طفيف بس احسن من لاشئ ,, يعني صار يجلس له يومين ثلاث بالاسبوع ويشوف مشاويرنا
لكن هالعاده صدقيني ماراح تنقطع منهم الا لاشيبوا تلقينهم لازقين لنا ذاك الوقت واحنا
نبي الفكه منهم
بس اللي بنبهك له شيين .. اولها انك واضح تو متزوجه على شان كذا زعلانه من طلعاته عنك
عاد انا بقولك وسعي صدرك واشبكي النت وسولفي مع البنات ولا سيري على جيران
قريبين منك ولا مليت ارجعي مشي ,, واذا رحتي لناس اذا مثلا جت الساعه 11 اتصلي عليه
وقولي تعال خذني الضيوف مشوا واهل البيت بينامون وانا ضيقت عليهم ومن ذا الكلام
على شان يحس انه مسئول عنك ويفز يقوم يرجعك ,, وهذا شي مهم ترا .. لاتروحين مع اخوك
واخو زوجك ومدري وشو لالالا انتبهي دايم خليه هو يوديك ويجيبك على شان يحس بمسئوليته
تجاهك وواجبه.. مو يتعود يهملك ..
اللي يضيق بالموضوع ان اهلك بعيد عنك يعني ماتقدرين تروحين لهم وانا مثلك للاسف اهلي
بعيد وكل خواتي .. يالله تعالي سيري علي حياك الله الحال من بعضو :55:
واتمنى اكون افدتك وماغثيتك ,, بس صدقيني لو تلفين هالدنيا ماراح تلقين احد فاهمك وفاهم
شعورك مثلي لاني مريت بنفس حالتك ,, والحين يطله يدخل مادري عنه ,, والله يوفقك

دايم اللى في الخاطر تقوله ونه.....:27:

الله يصبرك ياختي ويهديه

الاخت جرح يقتل
اسلوبك يعجبني دايما مصفصف ومنطقي

الله يسخرلنا ازواجنا يارب